لە ئاهەنگێکی بووکگواستنەوە لە مەڵەتی باوکێک کوژرا و کوڕەکەشی بە سەختی بریندار کرا

 

 

رووداوەکە کاژێر 20:15 خولەکی شەوی پێنجشەممە لە هۆڵێکی ئاهەنگگێڕان لە گەڕەکی بوڵگورلوی سەر بە شارۆچكەی بەتاڵگازی روویدا. 

 

سەرەتا دەمەقاڵێ لە نێوان دوو ئەندامی ئەو دوو خێزانەدا دروستبوو و دواتر بە دەمانچە تەقەیان لە یەکدی کردووە، بەو هۆیەوە عەبدوڵڵا کازیجی تەمەن 53 ساڵ و کوڕەکەی بە ناوی (ئا. ک.) بریندار بوون و تەقەکەرەکە لە شوێنی رووداوەکە هەڵات. 

 

دوای ئەوەی ژمارەیەکی زۆر تیمی پۆلیس و پزیشکی رەوانەی شوێنی رووداوەکە کران. باوک و کوڕە بریندارەکە لە شوێنی رووداوەکە فریاگوزاری سەرەتایییان بۆ کرا و گوازرانەوە بۆ سەنتەری پزیشکی تورگوت ئۆزال. عەبدوڵڵا کازیجی لە نەخۆشخانە گیانی لەدەست دا. 

 

بەگوێرەی زانیارییەکان (ئا. ک.) کە لە شوێنی رووداوەکە بریندار بوو و ئێستا لە ژێر چاودێری چڕدایە و تەندروستی ناجێگیرە. 

 

تەقەکەرەکە  کە ناوی (ر. ک.)ـە دەستگیرکراوە و لە بەڕێوەبەرایەتی پۆلیس لێپرسینەوەی لەگەڵدا دەکرێت. لێکۆڵینەوەش لە رووداوەکە بەردەوامە.