لە ئێلیهـ هەشت کەس کە بە تۆمەتی بانگەشەکردن بۆ پەکەکە دەستبەسەرکرابوون، ئازادکران
رووداو دیجیتاڵ
لە پارێزگای ئێلیهـ ـی باکووری کوردستان هەشت کەس، کە بە تۆمەتی بانگەشەکردن بۆ پارتی کرێکارانی کوردستان - پەکەکە دەستبەسەرکرابوون، ئازادکران.
ئەو هەشت کەسە رۆژی پێنجشەممە 19ـی تشرینی یەکەمی 2023 لە ئۆپەراسیۆنێکی هێزە ئەمنییەکانی تورکیا دەستبەسەرکران.
ئێوارەی هەمان رۆژ داواکاری گشتیی ئێلیهـ، گوتەی سەرجەم دەستبەسەرکراوەکانی وەرگرت و دواتر ئازادی کردن.
دوای هێرشەکەی رۆژی 1ـی تشرینی یەکەمی 2023 بۆ سەر بەڕێوەبەرایەتیی گشتیی ئاسایشی تورکیا لە ئەنقەرە کە پەکەکە لە ئەستۆی گرت، لە نێوخۆی تورکیا چەندین کەس بە تۆمەتی ئەندامێتی و لایەنگری بۆ پەکەکە دەستگیرکراون، کە زۆربەیان ئەندام و لایەنگری هەدەپەن.