ئاسایشی هەولێر لەبارەی شەڕە تەقەکەی شەقامی 100 مەتری: تۆمەتباری دووەم دەستبەسەرکرا

رۆژی پێنجشەممە، 20-4-2023، بەڕێوەبەرایەتیی ئاسایشی هەولێر رایگەیاند، دوای رووداوەکە، لێکۆڵینەوەیان لە شەڕە تەقەکەی شەقامی 100 مەتری کرد و لەسەر فەرمانی دادوەری لێکۆڵینەوەی ئاسایشی هەولێر، تۆمەتباری دووەم بە ناوی (هـ.خ.ق) دەستگیر کرا و پەڕاوی لێکۆڵینەوەیان بۆ رووداوەکە کردووەتەوە.

 

 

پاشنیوەڕۆی ئەمڕۆ پێنجشەممە، 20ـی نیسانی 2023، لە شەقامی سەدمەتریی شاری هەولێر بەهۆی کێشەیەکی کۆمەڵایەتییەوە شەڕەتەقە لەنێوان دوو هاووڵاتیی دانیشتووی شاری هەولێر روویدا و بەهۆیەوە یەکێک لە تۆمەتبارانی تەقەکەر بەناوی (أ.ع.ش) بریندار دەبێت و بەداخەوە هاووڵاتییەکی دیکەش بەناوی ( ل.ج.ح) بریندار دەبێت.

 

دوابەدوای ئەو رووداوە، دەستبەجێ تیمەکانمان لە بەڕێوەبەرایەتیی ئاسایشی هەولێر گەیشتنە شوێنی رووداوەکە و لێکۆڵینەوەیان لەو بارەوە دەستپێکرد و لەسەر فەرمانی بەڕێز دادوەری لێکۆڵینەوەی ئاسایشی هەولێر، تۆمەتباری دووەم بەناوی (هـ.خ.ق ) دەستیگرکرا و پەڕاوی لێکۆڵینەوەی لەبارەی دۆسیەکە کراوەتەوە و رەوانەی بەردەم دادوەر کراوە.

 

هاووڵاتییانی بەڕێز و خۆشەویست دڵنیا دەکەینەوە کە پاراستنی سەروماڵی هاوشارییان و ئاسایش و ئارامیی شاری هەولێر ئەرکێکە و بەزاندنیان لە لایەن هەرکەس و گرووپێکەوە بێت هێڵی سوورە .

 

بەڕێوەبەرایەتیی ئاسایشی هەولێر

 20ی نیسانی 2023