کەشناسیی کوردستان و عێراق: بارانبارین لە کۆتایی هەفتە یان سەرەتای هەفتەی داهاتوو دەستپێدەکات

ئاسۆ کەمال، بەڕێوەبەری کەشناسی و بوومەلەرزەزانیی هەرێمی کوردستان رۆژی چوارشەممە، 19-09-2024 بە تۆڕی میدیایی رووداوی راگەیاند: "بەهۆی ناجێگیریی کەشوهەوا و گۆڕانی پلەکانی گەرما، بەپێی پێشبینییەکانی خۆمان لە دەستەی کەشناسی چاوەڕوان دەکرێت کۆتایی ئەم هەفتەیە و بە دیاریکراوی لە رۆژی هەینی و سەرەتای هەفتەی داهاتوو لە رۆژی شەممە و یەکشەممە، شەپۆلێکی بارانبارینی کەم و هەورو برووسکە روو لە ژمارەیەک ناوچەی هەرێمی کوردستان بکات."

 

هەفتەی داهاتوو هەرێمی کوردستان دەکەوێتە نێو وەرزی پاییز، کەشناسیی هەرێمی کوردستان پێشبینییەکانی بۆ ئەم هەفتەیە و هەفتەی داهاتوو ئەوەیە پلەی گەرما بە ناجێگیری دەمێننەوە، بەڵام دادەبەزێت.

 

عامر جابری، گوتەبێژی دەستەی کەشناسیی عێراق بە رووداوی گوت: "بەپێی پێشبینییەکانی ئێمە لەم هەفتەیە و سەرەتای هەفتەی داهاتوو شەپۆلی بارانبارین ناوچە شاخاوییەکان دەگرێتەوە، بەڵام کەم دەبێت، بە گشتی پلەی گەرما لە پارێزگاکانی هەرێمی کوردستان نزمتر دەبێتەوە."

 

 

- هەولێر: 34 پلە

- سلێمانی: 33 پلە

- دهۆک: 33 پلە 

- کەرکووک: 36 پلە 

- هەڵەبجە: 34  پلە 

- زاخۆ: 33 پلە 

- حاجی ئۆمەران: 24 پلە 

- سۆران: 32 پلە 

- گەرمیان: 37 پلە