لە رووداوێکی هاتووچۆدا لە رووهای باکووری کوردستان باوک و کوڕێک گیانیان لەدەستدا

رووداوەکە ئەمرۆ یەکشەممە، 17ـی تشرینی دووەم لەسەر رێگەی سەرەکیی شاری رووها و شارۆچکەی جورنێ رەش روویدا. 

 

لە رووداوەکەدا ئۆتۆمبێلێک وەرگەڕا و شۆفێری ئۆتۆمبێلەکە و کوڕە 6 مانگانەکەی گیانیان لەدەستدا و هاوژینی شۆفێرەکەش بریندار بوو. 

 

ژنە بریندارەکە بۆ نەخۆشخانە گوێزراوەتەوە و دۆخی جێگیر نییە. 

 

بەگوێرەی داتاکانی بەڕێوەبەرایەتیی گشتیی هاتووچۆی تورکیا، لە سەرەتای ئەم ساڵەوە 518 هەزار و 496 رووداوی هاتووچۆ لە تورکیا و باکووری کوردستان روویانداوە و لە ئەنجامدا دوو هەزار و 312 کەس گیانیان لەدەستداوە و 330 هەزار و 805 کەس بریندار بوون.