چیرۆکی تاقانەیەکی ئەنفال کە ئێستا داکۆکیکاری مافی کەسوکاری ئەنفالکراوانە

 

لەگەڵ شەش منداڵی دیکەدا، دایکیان بڕیار دەدات خۆی ئەرکی باوک و دایکیان بۆ ببینێت و بەخێویان بکات و بیانگەیێنێتە ئەم رۆژە. ئێستا لە شارۆچکەی رزگاری لە قەزای کەلار دادەنیشن. 

 

ئەو دەچێتە سەر گۆڕی بێناونیشانی رووفاتی ئەنفالکراوان کە گەڕێندراونەتەوە بۆ گەرمیان، دەڵێت: "تاکە سەبووریمانە، ئەو رۆژەی دەڵێن رووفاتێک هاتووەتەوە، بۆ ئێمە خۆشترینە."

 

ئەکرەم بۆ ئەوە بووەتە سەرۆکی کۆمەڵە تاوەکو داکۆکی لە کەسوکاری ئەنفالکراوەکان بکات. کۆمەڵەکەیان مۆڵەتی فەرمی لە حکومەتی هەرێمی کوردستان وەرگرتووە و بەردەوام چالاکییان هەیە، ماوەی چوار ساڵیشە ئامادەکاریی چوونی کەسوکاری ئەنفالکراوان بۆ نووگرەسەلمان لە ئەستۆ دەگرن.