سوودانی ساڵیادی دامەزراندنی پارتی دیموکراتی کوردستان لە سەرۆک بارزانی پیرۆز دەکات

 

 

پارتی لە 16ی ئابی 1946، واتە 78 ساڵ لەمەوبەر، بە سەرۆکایەتیی مەلا مستەفا بارزانی دامەزرا و ئێستا لەلایەن سەرۆک مەسعود بارزانی-یەوە سەرۆکایەتی دەکرێت.

 

نووسینگەی راگەیاندنی محەممەد شیاع سوودانی ئاماژە بەوە دەکات، سەرۆکوەزیرانی عێراق نامەیەکی پیرۆزبایی بۆ سەرۆک بارزانی ناردووە و تێیدا "جەختی کردووەتەوە کە ئەم ساڵیادە لەگەڵ خۆیدا بیرەوەریی خەباتی پارتەکە لەگەڵ هەموو هێزە سیاسییە عێراقییەکانی دیکە دژی ستەمی رژێمی دیکتاتۆریی لەنێوچوو، هەروەها [یادی] بەشداربوونی [پارتی] لە چەسپاندنی سیستمێک کە هەڵگری بنەمای دادپەروەری و یەکسانی و بونیادنانی عێراقێکی ئازادی دیموکراسییە، نوێدەکاتەوە."

 

راگەیێندراوەکە هەروەها دەڵێت، سوودانی "هیوای بەختەوەری و خۆشگوزەرانی بۆ سەرکردایەتیی پارتی و هەموو گەلی کوردی و عێراقمان خواست."