بوومەلەرزەیەکی بەهێز پارێزگەی مەلەتی لە باکووری کوردستان هەژاند

 

 

سەرۆکایەتیی کارەساتی لەناکاو و فریاگوزاریی تورکیا (ئافاد) بڵاویکردەوە، بوومەلەرزەکە کاژێر 10:46ی خولەکی ئەمڕۆ هەینی 15ـی تشرینی دووەم روویداوە و  شارۆچکەی وێرانشار چەقی بوومەلەرزەکە بووە.

 

بەگوێرەی ئافاد، بوومەلەرزەکە لە قووڵایی حەوت کیلۆمەتر تۆمارکراوە. 

 

عەلی یەرلیکایا، وەزیری ناوخۆی تورکیا لە تۆڕی کۆمەڵایەتی ئێکس رایگەیاند، لە پارێزگاکانی مەڕەش، سەمسوور، دیلۆک و کیلیس ـی زەوی لەریوەتەوە و بەگوێرەی زانیارییە سەرەتاییەکان زیانی نەبووە. 

 

هەر ئەمڕۆ کاژێر 12:02 خولەک لە شارۆچکەی هەمشین سەر بە پارێزگای ریزەی تورکیا بوومەلەرزەیەک بە گوڕی 4.7 پلەی رێختەر و لە شارۆچکەی باهچیلی سەربە پارێزگای کرککالەی تورکیا بوومەلەرزەیەک بە گوڕی 3.5 پلەی رێختەر روویدا. 

 

تائێستا هیچ زانیارییەک لەبارەی زیانی ئەو بوومەلەرزانە بڵاونەکراوەتەوە. 

 

لە شەشی شوباتی 2023 دوو بوومەلەرزە بەگوڕەکانی 7.7 و 7.6 پلەی رێختەر لە پارێزگای مەرەشی باکووری کوردستان روویاندا؛ بوومەلەرزەکان 10 پارێزگای تورکیا و باکووری کوردستانیان هەژاند.

 

بەگوێرەی ئامارە فەرمییەکان، 53 هەزار و 500 کەس لە باکووری کوردستان و تورکیا لە ئەنجامی ئەو بوومەلەرزانە گیانیان لەدەستدا و 107 هەزار 204 کەسی دیکە برینداربوون.