لە حەوت پارێزگای باکووری کوردستان بەفر دەبارێت

 

 

بەگوێرەی کەشناسیی تورکیا، لە ئەمڕۆ هەینی 15ـی تشرینی دووەمی 2024، پلەکانی گەرما بۆ ماوەی 10 رۆژ دادەبەزن و لە سەرتاسەری تورکیا و باکووری کوردستان باران دەبارێت.

 

لە پارێزگاکانی ئەرزەڕۆم، قەرس، ئەردەخان، وان، ئەرزینگان، دێرسیم و جۆلەمێرگی باکووری کوردستان ئەگەری بەفربارین هەیە و داوای کردووە رێکاری پێویست بگیرێتەبەر.

 

کەشناسیی تورکیا هەروەها هۆشداری بۆ ناوچەکانی ئیجە و دەریای نێوەڕاستی تورکیا داوە، کە لە رۆژانی شەممە و یەکشەممە بارانێکی بەخوڕ دەبارێت و مەترسی دروستبوونی لافاو هەیە.

 

داوای لە خەڵک کردووە ئاگاداری خۆیان بن بۆ ئەوەی لە کاتی دروستبوونی لافاو و هەورەبرووسکە زیانیان بەرنەکەوێت.