لە گمگمی باکووری کوردستان 105 هەزار دۆنم زەوی پاککرایەوە و دەکرێتە دارستان
رووداو دیجیتاڵ
لە گمگمی باکووری کوردستان پانتایی 105 هەزار دۆنم زەوی پاککرایەوە و دەکرێتە دارستان، پێشتر ئەم زەوییە کشتوکاڵی لێ نەدەکرا و دڕک دایپۆشیبوو، بەڵام بەڕێوەبەرایەتیی کشتوکاڵی گمگم پاکی کردەوە و پلانیدانا بۆ ئەوەی سەوزی بکات.
ئەحمەد ئایدۆغان، کرێکاری دارستان دەڵێت "ئەوان گۆرانی دەڵێن و منیش ساز دەژەنم. هەرکاتێک ئەوان بیانەوێت، کاتی نانی نیوەڕۆ یان لەکاتی کاردا دەژەنم."
بەیانییان لە کەشێکی ساردەدا کرێکارانی شارۆچکەی 12ی شوبات، رێگەی دارستانەکە دەگرن و تاوەکو کۆتایی رۆژەکە نەمام دەچێنن.
ئیبراهیم ئایدۆغان، کرێکاری دارستان دەڵێت "سەوزکردنی زێدی خۆمان، زیادکردنی دارستانەکانمان و رۆشنکردنی داهاتوو ئامانجی ئێمەن."
پێشتر ئەم زەوییە کشتوکاڵی لێ نەدەکرا و دڕک دایپۆشیبوو، بەڵام بەڕێوەبەرایەتیی کشتوکاڵی گمگم پاکی کردەوە و پلانیدانا بۆ ئەوەی سەوزی بکات. لەم هەڵمەتەدا 60 کرێکاری وەرزی کاردەکەن.