پێنجەمین فێستیڤاڵی بەفر لە جۆلەمێرگ بە هەڵپەڕکێ و گۆرانیی کوردی کۆتاییهات

 

فێستڤاڵەکە لە ناوەندی کاشەڤانی مێرگابوتان بە دووریی 12 کیلۆمەتر لە ناوەندی شاری جۆلەمێرگ و لە بەرزایی دوو هەزار و 500 مەتر لە ئاستی دەریا بەڕێوەچوو. 

 

ژمارەیەکی زۆری هاونیشتمانیان بە جلوبەرگی کوردییەوە بەشداری فێستیڤاڵەکەیان کرد کە بۆ ماوەی دوو رۆژ بەردەوام بوو.

 

هەر لە فێستیڤاڵەکەدا، نمایشی پاراگلایدەر، کاشەڤانی و چالاکیی وەرزشی ئەنجامدران. 

 

ئەو ناوەندە تاوەکو ئێستا گەورەترین پڕۆژەی وەرزشی زستانەیە لە جۆلەمێرگ دروستکرابێت و لە رۆژانی پشووی کۆتایی هەفتەدا هەزار کەس سەردانی دەکەن.