17 کەس لە رووها بە تۆمەتی بوونی پەیوەندی لەگەڵ پەکەکە خرانە زیندانەوە

 

 

ئەو 17 کەسە رۆژی چوارشەممە 6ی ئاداری 2024 لە ئۆپەراسیۆنێكی هێزە ئەمنییەکاندا کە بە بەشداریی 600 کەس لە ئەندامانی تیمەکانی سەر بە فەرماندەیی هێزەکانی جەندرمە و دەزگای هەواڵگری-میت بەڕێوەچوو، دەستبەسەرکران.

 

ئەو رۆژە هێزە ئەمنییەکان لەسەر راسپاردەی داواکاری گشتیی رووها هەڵیانکوتایە سەر 24 ماڵ لە شارۆچکەی سرووچ و ئەو 17 کەسەیان دەستبەسەر کرد.

 

دوای کۆتاییهاتنی لێپرسینەوە لەگەڵیان لە بەڕێوەبەرایەتیی پۆلیسی شارۆچکەکە، ئێوارەی رۆژی شەممە 9ی ئاداری 2024 رەوانەی دادگە کران و بە بڕیاری دادوەر خرانە زیندانەوە.

 

لەنێو ئەو کەسانەدا بەربژێری هاوسەرۆکی دەم پارتی شارۆچکەی سرووچ و چوار بەربژێری ئەو حیزبە بۆ هەڵبژاردنی ئەنجوومەنی شارەوانی، هەروەها پزیشکێک و مامۆستایەک هەن.