کوردێک لە ئامەد بەهۆی بەکارهێنانی زمانی کوردی لە کافێکەی لە ماڵەکەی خۆی زیندانی دەکرێت

 

رەمەزان شیمشەک، خاوەنی یەکێک لە کافێکانی ئامەدە. ئەو تەنیا زمانی کوردی بەکاردەهێنا و تەواوی خزمەتگوزارییەکانی کافێکەی بە زمانی کوردی بوون. بەبڕیاری دادوەر، لەنێو ماڵەکەی خۆی زیندانی دەکرێت و بۆی نییە بچێتە دەرەوە تاوەکو بڕیار لە کەیسەکەی دەدرێت. 

 

محەممەد شیمشەک بە تۆڕی میدیایی رووداوی گوت: "ئاستەنگی بۆ ژیانم دروستکراوە. ئەمە چەند رۆژێکە لە ماڵم و لە قاچەکانم ئامێرێک بەستراوە، ناتوانم بچمە دەرەوە".

 

لەگەڵ ئەوەی کە 300 مەتر لە کافێکەی دوورە، بەڵام رێگە نادرێت سەردانی بکات. شیمەشک ناتوانێت سەگەکەیشی ببینێت و دەڵێت، "زۆر بیری دەکەم، بەڵام رێگە نادرێت ئەویش ببینم". 

 

شیمشەک بڕیاری دابوو تەنیا بە کوردی پێشوازیی لە میوانەکانی بکات. دوای ئەوەی بڕیارەکەی لە رێگەی رووداوەوە ئاشکرا کرد، پۆلیس دەستگیری کرد.