ژنێک لە مهاباد ئاگری لە جەستەی بەردا

 

ئەمڕۆ سێشەممە، 7ـی کانوونی دووەمی 2025، هاونیشتمانییەک لە شاری مهاباد بە رووداوی راگەیاند، ژنێک لە گۆڕستانی شارەکە بەنزینی بە جەستەی خۆیدا کردووە و بەو هۆیەوە گیانی لەدەستداوە.

 

هاونیشتمانییەکە گوتی: "بەهۆی ئەوەی ژنەکە بە تەواوی جەستەی سووتاوە، ناناسرێتەوە؛ بۆیە ناسنامەکەی دیار نییە".

 

ئەو هاونیشتمانییە ئاماژەی بەوەشکرد: "جەستەی ژنەکە بە شێوەیەک سووتابوو، ببووە خەڵووز. ئەو بەشەی لە جەستەی کە مابوو لە لایەن تیمەکانی فریاگوزارییەوە بۆ دادپزیشکی مهاباد گوێزرایەوە".

 

هێزە ئەمنییەکان دەستیان بە لێکۆڵینەوە لەبارەی رووداوەکە کردووە.