لە ئامەد 56 کەس بە تۆمەتی بازرگانی بە ماددەی هۆشبەر خرانە زیندانەوە

 

بە گوێرەی راگەیێندراوێک، کە لەلایەن بەرێوەبەرایەتیی بەرەنگاربوونەوەی تاوانەکانی ماددە هۆشبەرەکانی ئامەد بڵاوکراوەتەوە، تیمەکانیان بۆ بەرگرتن لە بەکارهێنان و بازرگانانی کردن و دابینکردنی ماددەی هۆشبەر لە مانگی ئایاری ئەم ساڵدا چەندین ئۆپەراسیۆنیان لە سنووری ئەو پارێزگایەی باکووری کوردستان کردووە و  748 کەسیان دەستبەسەر کردووە.  

 

لەو ژمارەیە 56 کەسیان بە بڕیاری دادگە بە تۆمەتی بازرگانی بە ماددەی هۆشبەر خراونەتە زیندانەوە. 

 

تیمەکان لە کاتی ئۆپەراسیۆنەکان و کاری شەقامەکاندا دەستیانگرتووە بەسەر 868 کیلۆ و 704 گرام لە وەرگیراوەکانی سکانک/حەشیش، یەک کیلۆ و 59 گرام میتامفیتامین، 148 گرام هێرۆین، 528 مادەی هۆشبەری گیراوە، 25 ئێکستسی، حەوت تەرازووی ورد، چوار دەمانچەی بێ مۆڵەت و 84 فیشەکی قەبارەی جیاوازدا. 

 

لەم ساڵانەی دواییدا بەکارهێنان و بازرگانیی بە ماددە هۆشبەرەکان لە تورکیا زیادیکردووە، رۆژانە چەند گەورە بازرگانیی مادەی هۆشبەر دەستگیردەکرێن، ژمارەیەکیان بیانین و لە ئاستی نێودەوڵەتیدا بازرگانی بە ماددەی هۆشبەرەوە دەکەن.