کەشناسی: پلەی گەرما نزمدەبێتەوە

 

بەگوێرەی پێشبینییەکانی بەشی کەشناسیی هەرێمی کوردستان لە وەزارەتی گواستنەوە و گەیاندن کە رۆژی چوارشەممە 05-04-2023 بڵاویکردووەتەوە، ئەمڕۆ ئاسمان لە نێوان پەڵەهەور و نیمچە هەور دەبێت و لەهەندێک شوێن بۆ هەوری تەواو دەگۆرێت و دوانیوەڕۆ لە ناوچە شاخاوییە سنوورییەکان نمەباران دەبارێت.

 

لەبارەی کەشوهەوای سبەی، کەشناسیی هەرێمی کوردستان دەڵێت، بەپێی پێشبینییەکان سبەی ئاسمان لە نێوان پەڵەهەور و نیمچە هەور دەبێت و بەراورد بە ئەمڕۆ پلەی گەرما 2 بۆ 4 پلە نزمدەبێتەوە و بەرزترین پلەی گەرمای تۆمارکراو لە گەرمیان دەبێت. 

 

محەممەد کەمال، شارەزای کەشناسی بە تۆڕی میدیایی رووداوی گوت، لە 11ی مانگەوە ناوە ناوە بارانبارین دەستپێدەکات، بەڵام کاریگەرییەکی زۆری نابێت، دواتر 14 تاوەکو 17ی ئەم مانگە شەپۆلێکی چڕی بارانبارین دەبێت و "دەتوانین بڵێن بارانبارینێکی باش" هەموو هەرێمی کوردستان دەگرێتەوە، بەتایبەتی لە سنووری پارێزگای هەولێر و دهۆک. 

 

 

هەولێر: 22

سلێمانی: 20

دهۆک: 21

کەرکووک: 24

هەڵەبجە: 21

زاخۆ: 22

سۆران: 21

گەرمیان: 26