کەشناسی: سبەی بەفر و باران دەبارێت

 

 

رۆژی پێنجشەممە، 04-01-2024، بەشی کەشناسیی سەر بە وەزارەتی گواستنەوە و گەیاندن رایگەیاند، بەپێی پێشبینییەکان ئەمڕۆ ئاسمان نیمچەهەور دەبێت و لە هەندێک ناوچە هەورى تەواو دەبێت. لە دوای نیوەڕۆ نمەباران دەبارێت، لە سنووری پارێزگای دهۆک و ناوچە شاخاوییەکانی پاشان لە کاتەکانی شەودا کاریگەرییەکەی درێژدەبێتەوە بۆ سەر ناوچە شاخاوییەکانی پارێزگای هەولێر.

 

کەشناسی هەرێمی کوردستان دەڵێت، لە درەنگی ئەمشەو لەسەر لووتکەى شاخەبەرزەکان بەفرێکی کەم دەبارێت و ئەگەری دروستبوونی تەم هەیە و پلەی گەرماش بەراورد بە دوێنی 1 بۆ 2 پلە بەرزتر دەبێتەوە.

 

لەبارەی کەشوهەوای سبەی هەینی، بەپێی پێشبینییەکانی کەشناسی ئاسمان بە گشتی هەور دەبێت، لە سنووری پارێزگای دهۆک، ناوچە شاخاوییەکانی پارێزگای هەولێر و ئیدارەی راپەڕین بارانبارین بە شێوەی پچڕ پچڕ دەبێت، لە ئێوارەدا لەم ناوچانە ئاستی دابارین زیاد دەکات. 

 

بەپێی پێشبینییەکانی کەشناسی، سبەی لەکاتەکانی دوای نیوەرۆ لە بەشێک لە سنووری پارێزگای سلێمانی، هەڵەبجە و کەرکووک نمە باران دەبێت هەروەها لە ناوچە سنوورییەکان بەفر دەبارێت و  پێشبینی دروستبوونی تەمێکی کەم دەکرێت بە درێژایی کاتەکانی سبەی.

 

 

هەولێر: 16 پلەى سیلیزى

سلێمانی: 16 پلەى سیلیزى

دهۆک: 10 پلەى سیلیزى

کەرکووک: 18 پلەى سیلیزى

هەڵەبجە: 16 پلەى سیلیزى

زاخۆ: 11 پلەى سیلیزى

گەرمیان: 19 پلەى سیلیزى

حاجی ئۆمەران: 3 پلەى سیلیزى

سۆران: 10 پلەى سیلیزى