لە مهاباد کرێکارێک بە تەزووی کارەبا گیانی لەدەستدا

 

 

ئەمڕۆ پێنجشەممە، 3ی تشرینی دووەمی 2024، هاونیشتمانییەکی خەڵکی شاری مهاباد لە پارێزگای ورمێی رۆژهەڵاتی کوردستان، لەکاتی کارکردن لە کێڵگەیەکی بەخێوکردنی پەلەوەر کارەبا دەیگرێت و بەهۆیەوە دەستبەجێ گیانی لەدەستدەدات.

 

بەپێی زانیارییەکانی رووداو، ناوی ئەو هاونیشتمانییە "سەعدوون عەلیپوورە" و دوو منداڵی هەیە.

 

تەرمی ئەو هاونیشتمانییە بۆ لێکۆڵینەوە و ئامادەکردنی راپۆرتی فەرمیی هۆکاری مردنەکەی، گوێزراوەتەوە بۆ دادپزیشکیی شاری مهاباد.