کەشناسی: ئەمڕۆ و سبەی بارانی بەلێزمە و هەورەبرووسکەیە

 

رۆژی پێنجشەممە، 02-05-2024، بەشی کەشناسی لە وەزارەتی گواستنەوە و گەیاندنی هەرێمی کوردستان رایگەیاند، بەیانیی ئەمڕۆ زۆربەى کاتەکان ئاسمان هەورى تەواو دەبێت لەگەڵ تاوە باران و هەورە برووسکە، لە دوانیوەڕۆوە کاریگەریی بەهێز دەبێت بۆ لێزمە باران لە زۆربەی ناوچەکان. 

 

لەبارەی پلەی گەرما، پێشبینی دەکرێت بەراورد بە دوێنی، ئەمڕۆ 1 بۆ 2 پلە نزم ببێتەوە. 

 

بەگوێرەی پێشبینییەکانی کەشناسی، سبەی هەینی ئاسمان هەورى تەواو دەبێت، بارینی لێزمە باران و برووسکەی ناوبەناو لە سەرتاسەری هەرێمی کوردستان بەردەوام دەبێت و پلەی گەرما 2 بۆ 4 پلە نزم دەبێتەوە. 

 

بەرزترین پلەکانی گەرمای پێشبینیکراو بە پلەی سیلیزی بۆ سبەی:

 

هەولێر: 21 پلەی سیلیزی

سلێمانی: 20 پلەی سیلیزی

دهۆک: 20 پلەی سیلیزی

زاخۆ: 21 پلەی سیلیزی

هەڵەبجە: 19 پلەی سیلیزی

کەرکووک: 21 پلەی سیلیزی

سۆران: 20 پلەی سیلیزی

حاجی ئۆمەران: 16 پلەی سیلیزی

گەرمیان: 24 پلەی سیلیزی