یەک لەسەر سێی دەنگدەرانی ئامەد نەچوونەتە سەر سندووقەکانی دەنگدان

 

 

رێژەی بەشداریکردن لە هەڵبژاردنەکەدا لە سەرتاسەری تورکیا 78% بوو، رێژەکە لە ئامەد 64.34% بوو. لە کۆی 783 هەزار و 940 دەنگ، 722 هەزار و 407 دەنگیان بە دروست هەژمار کران.

 

دەم پارتی لەو پارێزگایە توانیی گەورەشارەوانیی ئامەد و سەرۆکایەتیی شارەوانیی 13 شارۆچکە بەدەستبهێنێت. هەرچی ئاکپارتییە توانی سەرۆکایەتیی شارەوانیی چوار شارۆچکە بباتەوە.

 

 

لە هەڵبژاردنی شارەوانییەکانی ساڵی 2019دا ژمارەی دەنگدەرانی ئامەد یەک ملیۆن و 49 هەزار کەس بوو، رێژەی بەشداریکردنیش 78.69% بوو.

 

عەدنان سەلجوق مزراکلی بەربژێری هەدەپە بوو و 490 هەزار و 571 دەنگی بردەوە، کە دەیکردە 62.9%ی دەنگەکان، بەوەش بووە سەرۆکی گەورەشارەوانی، بەڵام دواتر لە پۆستەکەی دوورخرایەوە و قەیووم لە شوێنی دانرا و لە 19ی ئابی 2019وە لە زیندانە.

 

جومالی ئاتیلای بەربژێری ئاکپارتیش بە بردنەوەی 30.9%ی دەنگەکان پلەی دووەمی بەدەستهێنا.

 

لە هەڵبژاردنی ئەم هەفتەیەدا عائیشە سەرا بوجاک، بەربژێری دەم پارتی بۆ سەرۆکایەتیی گەورەشارەوانیی ئامەد بە بردنەوەی 463 هەزار و 22 دەنگ، 64.9%ی دەنگەکانی بەدەستهێنا، لە بەرامبەردا محەممەد خالس بیلدەن، بەربژێری ئاکپارتی بە بردنەوەی 121 هەزار و 571 دەنگ، 16.83% دەنگەکانی بردەوە و پلەی دووەمی بەدەستهێنا.

 

 

2019 : 78.9%

2023 : 82.2% (هەڵبژاردنی پەرلەمانی)

2024 : 67.2%

 

 

ژمارەی دەنگدەر: 1,164,129 کەس

دەنگی دراو: 783,940 کەس

رێژەی دەنگی دراو: 67.2%

دەنگی دروست: 722,407

رێژەی دەنگی دروست: 62.0%

دەنگی پووچەڵ: 61,533

رێژەی دەنگی پووچەڵ: 5.2%

دەنگی بەکارنەهێندراو: 380,189 کەس

رێژەی دەنگی بەکارنەهێندراو: 32.6%

 

 

دەم پارتی: 459,534 دەنگ

رێژەی دەنگی دەم پارتی: 64.04%

 

ئاکپارتی: 120,879 دەنگ

رێژەی دەنگی ئاکپارتی: 16.85%

 

هوداپار: 53,063 دەنگ

رێژەی دەنگی هوداپار: 7.35%