ژەنەڕاڵ ئاودینۆ: ئەنجوومەنی پیران دژایەتیی گەورەی پێدانی سیستمی بەرگریی ئاسمانی بە هەرێمی کوردستان ناکات

 

 

ژەنەڕاڵ ئێرنی ئاودینۆ، بەڕێوەبەری نووسینگەی کۆنگرێسمان مایکڵ واڵتز لە هەڤپەیڤینێکدا لەگەڵ تۆڕی میدیایی رووداو کە دیار کوردە، بەرپرسی نووسینگەی رووداو لە واشنتن لەگەڵی ئەنجامداوە باسی پێدانی سیستمی نوێی بەرگریی ئاسمانیی بە هەرێمی کوردستان کرد و دەڵێت، "کۆنگرێسمان مایکڵ واڵتز، بە هاوبەشی لەگەڵ کۆنگرێسمان بەیکن پشتیوانییان لە پڕۆژەیاسایەک کرد کە پێویستە سیستمی دژە مووشەکی بە هەرێمی کوردستان بدرێت. بۆیە هیواخوازین لە ئەنجوومەنی پیرانیش پەسند بکرێت و سەرۆکیش واژۆی لەسەر بکات."

 

لە وەڵامی ئەوەی کە "ئایا پێیوایە لە ئەنجوومەنی پیران یان ئیدارەی بایدن دژایەتیی پڕۆژەیاساکە بکرێت؟" گوتی، "پێموانییە لە ئەنجوومەنی پیران دژایەتییەکی گەورەی بکرێت، بەڵام لەلایەن ئیدارەی بایدن ئەمە جێگەی پرسیارێکی جیدییە."

 

لە ئەگەری پەسندکردنی ئەو پڕۆژەیاسایە بۆ پێدانی سیستمی بەرگریی ئاسمانی بە هەرێمی کوردستان، پێشمەرگە پێویستی بە شارەزایی لە بەکارهێنانی سیستمەکە دەبێت، ژەنەڕاڵ ئاودینۆ دەڵێت، "ئەمە دەکەوێت سەر پێنتاگۆن، چەند بژارەیەک هەن، یەکێکیان، راهێنانی پێشمەرگەیە کە سیستمەکە بەکاربهێنن، ئەمە بژارەیەکە، دەتوانن لە کوردستان ئەو راهێنانەیان پێبکەن یان لە ئەمریکا، ئەمەش بژارەیەکی دیکەیە، یان هێزی ئەمریکا لەسەر سیستمەکە بن."

 

 

ژەنەڕاڵ ئاودینۆ: من خۆشحاڵترم.

 

 

ژەنەڕاڵ ئاودینۆ: پرسی بودجە، تۆ ئاماژەت بە دوو هێندەکردنی بودجەی حەشدی شەعبی کرد، کە زۆربەیان گرووپی سەر بە ئێرانن، من هیچ پاساوێک بۆ ئەمە نابینم وەکو ئەوەی کە پاساوێکی ئەمنی هەبێت، بەڵام وا دەردەکەوێت کە مەلاکانی تاران دەیانەوێت گرووپێکی فەرمی و تەواو کۆنترۆڵکراو لەنێو عێراق دروستبکەن.

 

 

ژەنەڕاڵ ئاودینۆ: پێموایە ئەم ئیدارەیە لەم پرسەدا هەڵەیە، زۆر نامەنتیقین، راستییەکەش ئەوەیە کوردستانێکی بەهێز لە بەرژەوەندیی ئەمریکا و ناوچەکەشدایە، بەڵام ئەم ئیدارەیە و ئەم سەرۆکە شوێن رێککەوتنێکی دیکە لەگەڵ تاران کەوتووە کە من باوەڕم وایە ئەمە لە دژی بەرژەوەندییەکانی خۆشمانە. ئێستاش، ئەگەر بتەوێت دەست بە دانوستاندن لەگەڵ لایەنێکدا بکەیت، وەکو نموونە واشنتن و تاران، دانوستاندنێکی مەنتیقییانە دەبێت لە پێگەیەکی بەهێزەوە دەستپێبکرێت، ئێمە هەموو هێزە شەڕکەرەکانمان لە عێراق کشاندووەتەوە کە لە ساڵی 2011 سەرۆک ئۆباما کردی، هەروەها هێزی شەڕکەرمان لە ئەفغانستانیش نەماوە، کە ئەمە هەردوولای ئێران بوو، لەڕووی ستراتیجییەوە ئێران بە هێزی شەڕکەری ئەمریکاوە دەورەی درابوو، بۆیە ئەگەر باشترین کات هەبووبێت بۆ گفتوگۆکردن لەگەڵ تاران، ئەو کاتە بوو کە هێزی شەڕکەرمان لە ناوچەکە هەبوو، نەک لەو کاتەی کە هەموو شتێکمان بەلاوەناوە.

 

 

ژەنەڕاڵ ئاودینۆ: پێموانییە لە دۆخی کورد تێبگەن، پێموانییە بزانن بۆچی کوردستانێکی بەهێز لە بەرژەوەندیی ئەمریکادایە.

 

 

ژەنەڕاڵ ئاودینۆ: بە دڵنیاییەوە پێویستییە، گرنگە کە پێویستیی سیستمی نوێی بەرگریی ئاسمانی بدرێت بە هەرێمی کوردستان، چونکە دەبێت بزانین کێ دەیەوێت هێرش بکاتە سەر هەرێمی کوردستان، ئێران و گرووپەکانی سەر بە ئێرانن، ئەوان بە درۆن و مووشەک هێرش دەکەنە سەر هاوبەشە باشەکانی ئێمە کە گەلی کوردن، ئێمەش توانای ئەوەمان هەیە کە بیانپارێزین، بۆیەش بەرپرسەکەی من، کۆنگرێسمان مایکڵ واڵتز، بە هاوبەشی لەگەڵ کۆنگرێسمان بەیکن پشتیوانییان لە پڕۆژەیاسایەک کرد کە پێویستە سیستمی دژە مووشەکی بە هەرێمی کوردستان بدرێت. بۆیە هیواخوازین لە ئەنجوومەنی پیرانیش پەسند بکرێت و سەرۆکیش واژۆی لەسەر بکات.

 

 

ژەنەڕاڵ ئاودینۆ: پێموانییە لە ئەنجوومەنی پیران دژایەتییەکی گەورەی بکرێت، بەڵام لەلایەن ئیدارەی بایدن ئەمە جێگەی پرسیارێکی جیدییە.

 

 

ژەنەڕاڵ ئاودینۆ: ئێ ئەوان لە هەمان کاتدا، قسە لەگەڵ تارانیش دەکەن، پێموایە ئەم ئیدارەیە نایانەوێت هیچ شتێک بکەن کە کێشە بۆ گفتوگۆکانیان لەگەڵ تاران دروستبکات.

 

 

ژەنەڕاڵ ئاودینۆ: نەخێر، ئەو قەڵەمێکی بەدەستەوە نییە و هێڵی بەسەردا بهێنێت، ناتوانێت بە تەنیا ئەم بڕگەیە ڤیتۆ بکات.

 

 

ژەنەڕاڵ ئاودینۆ: رێی تێدەچێت.

 

 

ژەنەڕاڵ ئاودینۆ: پێموایە ئەمە دەکەوێت سەر پێنتاگۆن، چەند بژارەیەک هەن، یەکێکیان، راهێنانی پێشمەرگەیە کە سیستمەکە بەکاربهێنن، ئەمە بژارەیەکە، دەتوانن لە کوردستان ئەو راهێنانەیان پێبکەن یان لە ئەمریکا، ئەمەش بژارەیەکی دیکەیە، یان هێزی ئەمریکا لەسەر سیستمەکەبن، من نازانم چۆن دەبێت، پێنتاگۆن بڕیار لەسەر ئەوە دەدات، شتە گرنگەکە ئەوەیە سیستمێکی هاوچەرخی بەرگریی ئاسمانی لە هەرێمی کوردستان هەبێت.

 

 

ژەنەڕاڵ ئاودینۆ: باشترین شت کە هەر کەسێک بتوانێت بیکات، بە خۆشمەوە، هاوکاربین لەوەی لێرە خەڵک تێبگات و بۆیان روونبکەینەوە کە بۆچی هەبوونی ئەم جۆرە دژە مووشەکییە لە بەرژەوەندیی ئەمریکاشدایە، ئەمە لە بەرژەوەندیی ئەمریکادایە کە ئاسایشی هاوپەیمانە بەهێزەکانمان لە ناوچەکە، وەکو کورد، بپارێزین.

 

ژەنەڕاڵ ئاودینۆ: بەڵێ، دەمەوێت سڵاو و هەروەها هیوای زوو چاکبوونەوە بۆ دۆستی پێشمەرگەی دێرینم فەرماندە ئەنوەر دیلانی بنێرم، کە ئەو ئێستا نەخۆشە و هیوای زوو چاکبوونەوەی بۆ دەخوازم.

 

 

ژەنەڕاڵ ئاودینۆ: ئەوان کار لەسەر ئەمە دەکەن و کار لەسەر یەکخستنەوەی پێشمەرگە دەکەن، بەڵام پێشم وانییە کە هەموو پێشمەرگە دەبێت یەکبگرن یان پێویست بێت یەکبگرنەوە، چونکە هەتا ئێمەش لە ئەمریکا هێزێکی یەکگرتوومان نییە و زۆربەی خەڵکیش ئەمە نازانن، بەهۆی دەستوورەکەمانەوە 55 هێزی جیاوازمان هەیە. ئێمە یەک هێزی فێدراڵیمان هەیە کە ئەمە گەورەترین هێزە، بەڵام هەر ویلایەتێکیش هێزێکی خۆی هەیە کە پێی دەڵێن، پاسەوانی نیشتمانی، بۆیەش بۆ فەرماندەی چەکداری ئەو هێزانە، حاکمی ویلایەتەکانن، بەڵام دەستوورێکمان هەیە کاتێک پێویستییەکی نیشتمانی دەبێت، ئێمە دەتوانین بانگێشتی ئەو هێزانە لە ویلایەتەکان بکەین و ببن بە هێزێکی فێدراڵی، ئێمەش 55 هێزی جیاوازمان هەیە، لەگەڵ ئەوەشدا حاکمەکانی ئێمە یان دیموکراتن یان کۆماری، بەڵام شتە باشەکە ئەوەیە کە لەگەڵ یەکدا شەڕ ناکەن.

 

 

ژەنەڕاڵ ئاودینۆ: خۆشحاڵم، سوپاس.