بەرپرسێکی هاوپەیمانی دژی داعش: لە ئەیلوولی 2026دا بەگوێرەی دۆخی ئەوکات بڕیاری مانەوە و نەمانەوە دەدەین

 

 

مارتن وۆر، بەرپرسی شانەی پەیوەندییەکانی هاوپەیمانیی نێودەوڵەتیی دژی داعش رۆژی 30ی ئەیلوول لە هەڤپەیڤینێکدا لەگەڵ رووداو لە واشنتن، لەکاتی بەڕێوەچوونی کۆبوونەوەی ساڵانەی هاوپەیمانییەکەدا روونیکردەوە کە رێککەوتنەکە تاوەکو ئەیلوولی 2026 دەبێت، بەڵام "دوای ئەوە بەگوێرەی رەوشی ئەوکات گفتوگۆ دەکرێت و بڕیار دەدرێت چی بکرێت."

 

ئەو بەرپرسە لە هاوپەیمانیی نێودەوڵەتیی دژی داعش جەختی لەوە کردەوە، ئەوە کۆتاییهێنان نییە بە ئەرکی هێزەکانی هاوپەیمانیی نێودەوڵەتی، "بۆیە من جارێكی دیکە جەخت دەکەمەوە، ئەوە کشانەوە نییە و کۆتاییهێنان بە ئەرکەکانیان نییە، بەڵکو درێژەدانە پێیان یان پەرەپێدانیانە، با بەو جۆرە بیڵێم."

 

 

 

مارتن وۆر: دڵخۆشم.

 

 

مارتن وۆر: دڵخۆشم سەبارەت بەو بابەتە قسە بکەم. سەرنجی بینەرەکانت رادەکێشم بۆ ئەو راگەیێندراوە زۆر گرنگەی رۆژی هەینیی ئەمریکا و عێراق، پەیامە سەرەکییەکەش ئەوەیە کە ئەرکی هێزەکانی دژ بە داعش دەگۆڕدرێت بۆ زنجیرەیەک رێککەوتنی هاوئاهەنگی کردن، رێککەوتنی دوو قۆڵی نێوان هەردوو حکومەتی عێراق و ئەمریکا و ئەندامانی دیکەی هاوپەیمانێتییەکەش؛ بەڵام ئەمە بە شێوەیەک خراوەتەڕوو کە ئەمە کۆتایی بە پشتگیری هاوپەیمانیی نێودەوڵەتی دژ بە داعش بۆ حکومەتی عێراق دەهێنێت، ئەوەش راست نییە. ئێمە باس لە گواستنەوە دەکەین، باسی درێژەدان بە پشتگیری دەکەین، بەڵام بە شێوازێکی دیکە، ئەوە تاوەکو ئەیلوولی 2025 بەردەوام دەبێت. حکومەتی ئەمریکا و عێراق هەروەها رێککەوتن لەسەر درێژەدان بە پشتگیرییەکانیان بۆ رووبەڕووبوونەوەی داعش لە سووریا و ئەوەش تاوەکو ئەیلوولی 2026 دەبێت. دوای ئەوە بەگوێرەی رەوشی ئەوکات گفتوگۆ دەکرێت و بڕیار دەدرێت چی بکرێت.

 

 

مارتن وۆر: نەخێر. پێموایە زۆر گرنگە تێبگەین کە ئێمە کۆمەڵێك پرەنسیپ و پێشنیازمان هەیە کە رێککەوتنیان لەسەرکراوە، بەڵام وردەکاری ئەو رێککەوتنانە دەبێت کاریان لەسەر بکرێت،  لەنێویاندا وادەی ئەو بابەتانە کە هەردوولا لە چەند مانگی داهاتوودا کەمێک زیاتر گفتوگۆی لەبارەوە دەکەن. 

 

 

مارتن وۆر: سەرەتا دەبێت ئەوە بڵێم کە من قسە لەسەر کۆتاییهێنان بە ئەرکەکە ناکەم، دەمەوێت جەخت لەو خاڵە بکەمەوە، ئەوە گواستنەوەیە لە قۆناخێكەوە بۆ قۆناخێکی دیکە. رێگەم پێبدە روونی بکەمەوە، 10 ساڵ لەمەوبەر کە داعش هێرشیکرد و بەشێك لە عێراق و سووریای داگیرکرد، لەسەر داوای حکومەتی عێراق هاوپەیمانی نێودەوڵەتی دژی داعش بە سەرۆکایەتی ئەمریکا بە دەم داواکەی عێراقەوە چوو و پشتگیری لە هێزە عێراقییەکان کرد لەنێویشیاندا هێزەکانی پێشمەرگە بۆ بەرپەرچدانەوەی ئەو هەڕەشەیە. لە 2017دا داعش لە عێراق دەرکرا و لە 2019 داعش تووشی تێکشکانی زەوینی هات و لە 2019ەوە هەڕەشەکانی داعش بەرە بەرە کەمتر دەبوونەوە، ئەوەش بەهۆی زیاتربوونی گوشاری هاوپەیمانان و  هێزە عێراقییەکان و هێزە کوردییەکان بۆ سەر داعش. کەمبوونی ئەو هەڕەشەیە لە بۆشاییەوە نەهاتووە، بەڵکو وەکو گوتم لە زیادبوونی گوشارەکانەوە دروستبووە. ئێستا گەییشتووینەتە قۆناخێک هێزە عێراقییەکان خۆیان توانای زۆر زیاتریان هەیە بۆ درێژەدان بەو گوشارە، بە هاوکاری و پشتیوانی رێژەیی هاوپەیمانی نێودەوڵەتی، بەڵام کەمتر، بە تێپەڕبوونی کات وا دەردەکەوێت بەوجۆرە بەردەوام بێت، بەڵام ئێمە بەردەوام دەبین لە چاودێریکردن بۆ ئەوەی دڵنیابین کە دۆخەکە بەوشێوەیە بەردەوام دەبێت، تاوەکو دڵنیابین لە تێکشکانی هەمیشەیی داعش.بۆیە من جارێكی دیکە جەخت دەکەمەوە ئەوە کشانەوە نییە و کۆتایی هێنان بە ئەرکەکانیان نییە، بەڵکو درێژەدانە پێیان یان پەرەپێدانیانە، با بەوجۆرە بیڵێم.

 

 

مارتن وۆر: بۆ دوای 2025 بەڵێ، بۆ دوای ئەیلوولی 2026، تکایە راگەیێندراوەکە زۆر بە وریاییەوە بخوێنەوە، بە روونی لە رێککەوتنەکەدا ئاماژەی پێکراوە کە پەیوەستە بە دۆخی ئەوکاتەوە. ئێمە نازانین رەوشەکە چۆن دەبێت لە ئەیلوولی 2026.

 

 

مارتن وۆر: سەبارەت بە هەڕەشەکانی داعش لە عێراق، هەڵسەنگاندنەکانی ئێمە ئەوەیە کە کەم بوونەتەوە، بەڵام کۆتاییان نەهاتووە. دەبێت گوشارەکانمان درێژەپێبدەین تاوەکو ئەوان لەژێر کۆنترۆڵدا بهێڵینەوە. لە سووریا رەوشەکە کەمێك خراپترە، ئێمە دەبینین کە داعش لە سووریا کەمێك خەریکە هەڵدەستێتەوە؛ ئەوەش لە زیاتربوونی هێرش، زیادبوونی بانگەشەکانیان و زیادبوونی ژمارەی خەڵکی کوژراو و برینداردا. ئێمە نیگەرانین لەو رەشەی کە هەیە و دەزانین کە سووریا وڵاتێکی ناسەقامگیرە، ئەوەش دەرفەت دەداتە داعش دۆخەکە بقۆزێتەوە. قسەکانت راست کە لە باکووری رۆژهەڵاتی سووریا کامپ و ناوەندی راگرتن هەن کە ژمارەیەکی زۆر ئەندامی داعشیا تێدایە، بەڵام لەسەروو هەموو ئەوانە، ژمارەیەکی زۆر خێزان هەن لەم نێوەندەدا گیرۆدە بوون، بەشێکیان پەیوەندییان بە داعشەوە هەیە. بەڵام ژمارەیەکی زۆریان پەیوەندییان بە داعشەوە نییە، زۆرینەیان منداڵن، زۆرینەشیان لەم کامپانەدا لەدایکبوون و هیچ شتێک لەبارەی داعشەوە نازانن، جگە لەوەی کاریگەر بوون بە پڕوپاگەندەی داعش. بۆیە زۆر گرنگە ئەوانە بگەڕێندرێنەوە وڵاتەکانیان تاوەکو ژمارەی دانیشتووانی ئەو کەمپە کەم بکرێنەوە، بەتایبەتی کەمپی هۆل تاوەکو تێکەڵی کۆمەڵگەکانیان بکرێنەوە و ژیانێکی باشتر و ئاسایی بژین.

 

 

مارتن وۆر: لە ماوەی چەند ساڵی رابردوودا، ژمارەی ئەوانەی لەنێو کامپی هۆلن بەشێوەیەکی بەرچاو دابەزیوە، 40%ی ژمارەکە کەمبووەتەوە، ئەمەش واتە لە 70 هەزار کەسەوە بۆ 40 هەزار کەس کەمبووەتەوە. زۆرینەی ئەوانەی لە کامپەکەن، عێراقی و سووریایین، ئەو ژمارەیەش بە رێژەیەکی بەرچاو کەمبووەتەوە.  پێزانینمان هەیە بۆ ئەوانەی لە سووریان، بەتایبەت حکومەتی عێراق بۆ ئەو شێوازەی توانیویانە خەڵكی زۆر بگەڕێننەوە و تێکەڵی کۆمەڵگە بکرێنەوە . ژمارەیەکی بەرچاوی هاووڵاتییان لە وڵاتانی دیکە، بە پشتگیریی ئەمریکا و ئەندامانی دیکەی هاوپەیمانێتییەکە گەڕێندراونەتەوە وڵاتی خۆیان. من ناتوانم لێدوان لەسەر بۆچوونی یەک بە یەکی وڵاتەکان بدەم لەسەر هاووڵاتییەکانی خۆیان. ئەوەی من دەمەوێت جەختی لێبکەمەوە، ئەگەر سەیری ژمارەکان بکەیت، دەبینیت کە دۆخەکە ئەرێنییە. ئەگەر یەک یان دوو ساڵ لەمەوبەر سەیری کەمپی هۆلت کردبا، جێگەی نیگەرانی بوو، ئێستاش جێگەی نیگەرانییە، بەڵام دۆخەکە ئەرێنییە.

 

 

مارتن وۆر: پێگەی بەردەوامی سەربازی لەوێ دەبێت، ئەگەر راگەیێندراوەکەی هەینیشت خوێندبێتەوە، چەند وردەکارییەکی لەسەر ئەو بابەتە تێدایە. من ناتوانم قسە لەسەر گۆرانکارییە کردەییەکان بکەم کە روودەدەن، ئەوە کاری من نییە.

 

 

مارتن وۆر: وەڵامی من بە ناوی ئەو رێکخراوە دەبێت کە هاوپەیمانیی نێودەوڵەتییە لە دژی داعش. ئاشکرایە، ئەگەر لایەنێک هەبێت لە پشتگیریکردنی داعش دا تێوەگلابێت، واتە دەبێتە ئامانجی رەوای هاوپەیمانێتییەکە؛ بەڵام لە سەرووی هەموویانەوە، مەبەستی ئەو هاوپەیمانێتییە بریتییە لە بەرەنگاربوونەوەی داعش.  

 

 

مارتن وۆر: وەڵامی پرسیارەکەت لە راگەیێندراوەکەی رۆژی هەینی بە وردی باسکراوە. بەڵێ، تاوەکو ئەیلوولی 2026 گواستنەوەکە بەردەوام دەبێت، دواتر بەگوێرەی بارودۆخەکە ئەندامانی هاوپەیمانێتییەکە بە رابەرایەتیی ئەمریکا و حکومەتی عێراق بڕیار لەسەر داهاتووی چالاکییەکانی هاوپەیمانێتییەکە دەدەن لە سووریا.

 

 

مارتن وۆر: دڵخۆش بووم، زۆر سوپاس.