ناوەندی کۆنتڕۆڵکردن و پێشگیریکردن لە نەخۆشییەکان هۆشداری دەدات لە زیادبوونی جەڵتەی مێشک لە نێو گەنجاندا

 

ناوەندی کۆنتڕۆلکردن و پێشگیریکردن لە نەخۆشییەکان لە ئەمریکا CDC رایدەگەیێنێت، رێژەی جەڵتەی مێشک لە نێو گەنجاندا زیادیکردووە و ئەمەش هاوتەریبە لەگەڵ زیادبوونی قەڵەوی و بەرزی پەستانی خوێن لە هەمان گروپی تەمەندا، ئەم حاڵەتانە هەردووکیان پەیوەستن بە زیادبوونی مەترسی جەڵتەی مێشکەوە.

 

د. ماتیۆ شراگ پزیشکی پسپۆری نەخۆشییەکانی دڵ دەڵێت، "کاتێک سەیری هەموو ئەم توێژینەوانە دەکەیت بۆت دەردەکەوێت کە هۆکارێکی سەرەکی جەڵتەی مێشک، بەرزبوونەوەی پەستانی خوێنە'' . 

 

ئامارەکانی ئەم ناوەندە لە ساڵی 2011-2013 بەراورد بە ساڵی 2020-2022 ئەوە دەردەخەن کە جەڵتەی مێشک لە نێو گەنجاندا بە رێژەی نزیکەی 8% زیادیکردووە.  

 

 بە پێی ناوەندی کۆنتڕۆلکردن و پێشگیریکردن لە نەخۆشییەکان لە ئەمریکا، باشترین هەنگاوەکانی خۆپاراستن لە جەڵتەی مێشک بریتین لە گۆڕینی شێوازی ژیان بە هەڵبژاردنی خواردن و خواردنەوە تەندروستەکان، رێککردنی کێش، ئەنجامدانی چالاکیی جەستەیی بەردەوام، جگەرە نەکێشان، دوورکەوتنەوە لە کحول و کۆنترۆڵکردنی پەستانی خوێن.