توێژینەوەیەک: ڤیاگرا ئەگەری تووشبوون بە ئەلزەهایمەر کەمدەکاتەوە

 

توێژەرانی زانکۆی کۆلێژی لەندەن لە بەریتانیا دەریدەخەن، دەرمانی ڤیاگرا کە بۆ بەرزەپەستانی خوێنی سییەکان و زیادبوونی توانای سێکسی بەکاردێت، خانەکانی مێشک زیاتر چالاکدەکات، بەمەش ئەگەری تووشبوون بە ئەلزەهایمەر کەمدەکاتەوە.

 

توێژینەوەکە لەسەر 260 هەزار پیاو بۆ ماوەی پێنج ساڵ کرا و دەرکەوت، ڤیاگرا 18٪ ئەگەری تووشبوونی بە ئەلزەهایمەر، باوترین نەخۆشیی لەبیرچوونەوە؛ کەمکردووەتەوە، چونکە زۆرینەی ئەوانەی ڤیاگرایان بەکارهێناوە، تووشی نەخۆشییەکە نەبوون.

 

د. رووس براوەر، نووسەری سەرەکیی توێژینەوەکە دەڵێت: ''لێکۆڵینەوەی زیاتر پێویستن بۆ زانینی کاریگەرییەکانی ڤیاگرا، چونکە خراپ بەکارهێنانی دەرمانەکە دەشێت ژیانی بەکارهێنەران بخاتە مەترسییەوە''.

 

بە گوێرەی رێکخراوی تەندروستیی جیهانی، ئەلزەهایمەر باوترین نەخۆشیی لەبیرچوونەوەیە کە خانەکانی مێشک دەپووکێنەوە و لاوازدەبن، بەمەش چەند نیشانەیەک بە کورتخایەن و درێژخایەن دەردەکەون.

ئەو کەسانە کێن کە هەرگیز نابێت ڤیاگرا بەکاربهێنن؟