پسپۆڕێک: ڤایرۆسێکی مەترسیدار تووشی خانمان دەبێت و شێرپەنجە دروستدەکات

 

د. پەروین جەبار خانی، پسپۆڕی نەخۆشییەکانی خانمان و منداڵبوون بە رووداوی راگەیاند، ئەو ڤایرۆسەی ئەگەری تووشبوون بە شێرپەنجەی ملی منداڵدان زیاددەکات ناوی HPVـیە و پەیوەندیی سێکسیی ناتەندروست رێگەی سەرەکیی گواستنەوەیەتی.

 

بە گوتەی د. پەروین، 90٪ـی تووشبووانی ڤایرۆسەکە بێ نیشانەن، هەر بۆیە باشترە هەر خانمێک سێ ساڵ جارێک، پشکنینی پێشوەختە بکات؛ لە خوارەوە پشکنینەکانی روونکردووەتەوە.

 

 

 

د. پەروین جەبار: ڤایرۆسێکە ناوی HPVـیە و تووشی پێستی شوێنە هەستیارەکانی جەستە دەبێت، زۆر جۆری هەیە، بەشێکیان مەترسیدارن و بەشێکی زۆریشیان ئاسایین، ئەوانەی کە مەترسیدارن دەشێت لە درێژخایەن ببنەهۆی شێرپەنجەی ملی منداڵدان و زێ لە خانمان و شێرپەنجەی چووک لە پیاوان.

 

 

د. پەروین جەبار: سەرەکیترین رێگە بەرکەوتنە بە پێستی کەسی تووشبوو، بەتایبەت لە رێگەی سێکس یاخود بەرکەوتن لەگەڵ ئەو پێستەی کە تووشی ڤایرۆسەکە بووە.

 

 

د. پەروین جەبار: 90٪ـی تووشبووانی ڤایرۆسەکە بێ نیشانەن، هەر بۆیە باشترە هەر خانمێک سێ ساڵ جارێک، پشکنینی پێشوەختە بکات بە ناوی Pap Smear و پشکنینی ڤایرۆسی HPV کە ئێستا لەنێو تاقیگەکان هەیە.

 

 

د. پەروین جەبار: ئەگەر خانمان شێوازی ژیانیان ناڕێک بێت، ئەوا ئەگەری تووشبوونیان یاخود دەرکەوتنی نیشانەکانی ڤایرۆسەکەیان زیاددەبێت؛ دەکرێت بەم شێوەیەش خۆیان بپارێزن لە تووشبوون؛

 

- بەکارهێنانی کۆندۆم لەکاتی سێکس

- ئەنجامدانی سێکسی تەندروست

- ئەنجامنەدانی سێکس لەکاتی هەبوونی نیشانە

- پشکنینی پێشوەختە بۆ زوو وەرگرتنی چارەسەر

 

 

د. پەروین جەبار: پەیوەندیی راستەوخۆی نییە و کاتێک کاریگەریی دەبێت کە ڤایرۆسەکە بگاتە قۆناخی شێرپەنجە و خانمەکە تووشی خوێنبەربوون ببێت.

 

 

د. پەروین جەبار: لە هەرێمی کوردستان نییە و دەبێت نەخۆش بە ناچاری بچێتە وڵاتانی دراوسێ بۆ کوتان بە ڤاکسینەکە،  پێویستە حکومەت هەڵمەتێکی نیشتمانی بۆ پشکنینی پێشوەختە دابنێت، هەروەها ڤاکسین دژی ڤایرۆسەکە بەردەستبکات، چونکە ئێستا لە بەریتانیا بۆ خانمانی سەروو 13 ساڵان لێدەدرێت.