تەندروستیی ئەمریکا: پشکنینی خۆڕایی کۆرۆنا بەردەستدەبێت

 

وەزارەتی تەندروستیی ئاماژە بەوەدەکات، هەر خێزانێک مافی ئەنجامدانی چوار پشکنینی خۆڕاییان هەیە و دەتوانن تاوەکو کۆتایی وەرزی سەرما لە هەر کاتێک داوای ئەنجامدانی پشکنینەکە بکەن. 

 

دکتۆر، ماندی کۆهێن، بەڕێوەبەری ناوەندی کۆنتڕۆڵ و پێشگیریکردن لە ئەمریکا دەڵێت، ''پشکنینی کۆرۆنا دەتوانرێت لە ماڵەوە یاخود لە تاقیگەکان ئەنجام بدرێت و بە شێوەیەکی ئاسایی ئەنجامەکان لە ماوەی 30 خولەک دەردەچن''.

 

بەڕێوەبەری ناوەندەکە دەشڵێت، باشترین پلان ئەوەیە کە هەمووان بە وریاییەوە بمێننەوە، ڤاکسین وەربگرن و لە کاتی بوونی نیشانەکان پشکنین ئەنجامبدەن. 

 

بە گوێرەی وەزارەتی تەندروستیی ئەمریکا، نوێترین ڤاکسینی کۆرۆنا ئێستا بەردەستە کە گۆڕاوە نوێیەکانی کۆرۆنا دەکاتە ئامانج.