نوێنەرانی خۆبەخشی تەندروستی لە هەولێر: پێویستە دابمەزرێین و ساڵانی خزمەتمان بۆ هەژماربکرێت

 

ئەمڕۆ یەکشەممە 22-12-2024 لە کۆنگرەیەکی رۆژنامەڤانیدا نوێنەرانی خۆبەخشانی تەندروستی لە پارێزگای هەولێر دەڵێن، لە هەرێمی کوردستان نزیکەی 10 هەزار خۆبەخشین و تائێستا زیاتر لە 10 ساڵە بەبێ مووچە و لە سەر گیرفانی خۆیان، خزمەتی ناوەندەکانی تەندروستی دەکەن.

 

بە گوتەی ئەو راگەیێنراوەی خۆبەخشانی تەندروستی، داوا لە وەزارەتی تەندروستی دەکەن کە یاسای بوون بە خۆبەخشی هەڵبوەشێتەوە و چیدیکە هیچ خۆبەخشێک وەرنەگیرێت.

ئەم گردبوونەوەیە لەکاتێکدایە کە چەند رۆژی رابردوو کارمەندانی خۆبەخشی تەندروستی لە راپەڕین بایکۆتی کاریان کرد و هەموویان داوای دامەزراندن دەکەن.