توێژینەوەیەک: بەکارهێنانی تووتن و قەڵەوی ئەگەری تووشبوون بە لەبیرچوونەوە زیاددەکەن

 

توێژینەوەکە ئاماژە بەوەدەکات، دەتوانرێت بەڕێژەی 45٪ـی تووشبوون بە نەخۆشیی لەبیرچوونەوە پێشگیریلێبکرێت بە دوورکەوتنەوە لە جگەرەکێشان و خۆپاراستن لە قەڵەوی.

 

روس فریکی، سەرپەرشتیاری توێژینەوەکە دەڵێت، ''گرنگیدان بە فێربوونی بەردەوام و چالاکیی جەستەیی رۆژانە ئەگەری تووشبوون بە لەبیرچوونەوە کەمدەکاتەوە''.

 

بە گوێرەی ناوەندی کلیڤلاندی پزیشکی، نەخۆشی لەبیرچوونەوە نەخۆشیێکی دەماریی جیدیە، زۆرینەی جار پەیوەندی بە چوونە تەمەنەوە هەیە و نیشانەکانی بریتین لە دابەزینی وردە وردە لە توانای هزریی، بیرەوەری، بیرکردنەوە و بڕیاردان.