NHS: دەبێت پێش وەرزی سەرما منداڵان ڤاکسینی دژ بە ئەنفلۆنزا وەربگرن

 

خزمەتگوزاریی تەندروستیی بەریتانیا ئاماژە بەوەدەکات، جیا لە پەتا وەرزییەکان، پێشبینی دەکرێت لە وەرزی زستان شەپۆلێکی نوێی کۆرۆنا بڵاوبێتەوە، بەمەبەستی پێشگیریکردن لە تووشبوون بەم پەتایانە و پاراستنی منداڵان دەبێت ڤاکسین وەربگیرێت. 

 

ستیڤ رۆسێل، بەڕێوەبەری بەشی کوتان و پشکنین لە NHS دەڵێت، ''ڤایرۆسی ئەنفلۆنزا ساڵانە هەزاران کەس دەخاتە نەخۆشخانەکان، کوتان یارمەتیدەردەبێت لە پاراستنی هاووڵاتییان''. 

 

بەگوێرەی خزمەتگوزاریی تەندروستیی بەریتانیا NHS، ڤاکسینی دژ بە ئەنفلۆنزا وەکو سپرایەکی خێرا و بێ ئازار دەدرێت بە منداڵان، هەروەها بۆ یەکەمجار لەم ساڵدا ڤاکسینی ڤایرۆسی کۆئەندامی هەناسەدان RSV پێشکەش بە خانمانی دووگیان و گەورەساڵانی سەروو تەمەن 75 ساڵ دەکرێت.