پسپۆڕێکی دەروونی: زیادەڕۆیی لە جوانکاریدا بکرێت، دەبێتە نەخۆشی و ناڕێکیی دەروونی

 

ئەمڕۆ سێشەممە 14-1-2025 د. فەهمی عەلی، پسپۆڕی نەخۆشییە دەروونییەکان لە بوولتەنی کاژێر 17:00 کە شەهیان تەحسین پێشکێشی دەکات گوتی، نەخۆشییەکی دەروونی هەیە بە ناوی ''ناڕازیبوون لە پارچەیەکی جەستە'' کە جۆرێکی راڕاییە.

 

د. فەهمی عەلی دەڵێت: دەگونجێت کە کەسەکە راست بکات و کێشەی لە بەشێكی جەستەی هەبێت یاخود کێشەی تەندروستی بۆ دروستکردبێت و پێویست بێت کە جوانکاری بۆ بکرێت.

 

ئەو پسپۆڕە روونی دەکاتەوە، هەفتانە نەخۆشی وا دەبینن کە ناڕازین لە بەشێکی جەستەیان و ئەوانیش رێنوێنیی دەروونی بۆ دەکەن و زۆرجاریش بەهۆی دەروونییەوە تووشی ئەو حاڵەتە بووە.

 

گوتیشی، بەرفراوانی لە بەکارهێنانی سۆشیاڵ میدیا هۆکارێکی سەرەکییە بۆ زۆربوونی نەشتەرگەرییەکانی جوانکاری.

 

لە سلێمانی خانمێک دوای نەشتەرگەرییەکی جوانکاری گیانی لەدەستدا؛ یەکێک لە خزمەکانی بەم شێوەیە رووداوەکە دەگێڕێتەوە.