FDA: رێگەیەکی نوێ بۆ پێشگیریکردن لە هەستیاری دەگیرێتەبەر

 

ناوەندەکە ئاماژە بەوەدەکات، ئەم دەرمانە پێشتر بەشێوەی دەرزی دەدرا بە نەخۆش بەڵام رێگە نوێیەکە کە بەشێوەی سپڕەی لووت دەبێت ئاسانترە و دەشێت بۆ منداڵان و پێگەیشتووان کە کێشیان لە 30 کیلۆگرام زیاترە بەکاربێت. 

 

دکتۆر کێلی ستۆن، بەڕێوەبەری بەشی هەستیاری و سییەکان لە FDA دەڵێت، ''بوونی ئەم دەرمانە بە شێوەی سپڕەی لووت چارەسەرکردنی هەستیاری ئاساندەکات و خەڵکێکی زیاتر بەکاریدەهێنن''.

 

بەگوێرەی ئەم ناوەندە، پێکهاتەی ئەم سپڕەیە Epinephrineـی تێدایە کە پێشگیری لە تووشبوون بە هەستیاری دەکات و کاریگەرییە لاوەکییەکانی کەمن و بریتین لە 'سەرئێشە و نیشانەکانی سەرمابوون'.

 

بەپێی FDA، ساڵانە لە ئەمریکا زیاتر لە 500 هەزار کەس بەهۆی هەستیارییەوە رەوانەی نەخۆشخانەکان دەکرێن.