کۆمەڵەی پسپۆڕانی چاو لە کەنەدا مەرجە تەندروستییەکانی خوێندنەوەی کتێب ئاشکرادەکات

 

کۆمەڵەکە دەریدەخات، کاخەزی سپی رەنگە ببێتەهۆی وەڕەسبوون و هەستیاریی چاو، بۆیە کاخەزی زەرد بە هۆیەک بۆ ئاسوودەیی زیاتری چاوەکان دادەنێت.

 

ئاماژە بەوەشدەکات، خوێندنەوە کاریگەریی خراپ و درێژخایێنی لەسەر چاوەکان نییە، بەڵام دەکرێت چاو ماندوو و وشکبکات.

 

د. دامین گاتنڵ، پسپۆڕ و ئەندامی کۆمەڵەکە دەڵێت: رووناکیی شوێنی خوێندنەوە مامناوەند بێت و ئەگەر رووناکیی خۆریش بێت باشترە.

 

پێشنیازیش دەکات، لەکاتی خوێندنەوە پشوو بدرێت و یاسای 20،20،20 بەکاربێت، بەجۆرێک لەکۆی 20 خولەک خوێندنەوە 20 چرکە سەیری دوورییەک بکرێت کە لانیکەم 20 پێ کە دەکاتە شەش مەتر یاخود زیاتر دووربێت.