پسپۆڕێکی ژینگە: کارکردنی ئۆتۆمبێل و موەلیدەکان بە سووتەمەنیی خراپ هۆکارێکی خۆڵەمێشبوونی بەرگەهەوایە

 

ئەمڕۆ پێنجشەممە 5-12-2024 د. عەبدولموتەڵیب رەفعەت، مامۆستای زانکۆ و پسپۆڕی ژینگە لە بەرنامەی رۆژی هیوا جەمال رایگەیاند، کوالێتیی خاوێنیی بەرگەهەوای شارەکان بەرەو خراپتر دەچێت.

 

د. عەبدولموتەڵیب رەفعەت دەڵێت: لەگەڵ زیادبوونی ژمارەی دانیشتووان، ژمارەی ئۆتۆمبێلیش زیادبوون بەوەی کە زیاتر لە دوو ملیۆن ئۆتۆمبێل هەن و تەنانەت زیاتر لە حەوت هەزار موەلیدەی کارەباییش کاردەکەن کە بەشێکی زۆریان سووتەمەنییان خراپە.

 

بە گوتەی ئەو پسپۆڕە، کوالێتیی سووتەمەنییەکان خراپە و بەمەش گازە ژەهراوییەکان لە ئامێرەکانەوە زیاتر دەردەدرێن بەتایبەت ئەوانەی قەبارەی تەنۆلکەکانیان کەمترە لە 2.5pm و گوتی، ''هۆکارێکی شێرپەنجەیە''.

 

لە هەولێر رێژەی تەنۆلکە مەترسییدارەکانی هەوا دووهێندەی ئاستی ستانداردی جیهانییە {راپۆرتەکە لێرەوە ببینە}.