پەرواز حوسێن: 70٪ـی شێرپەنجەکەمم تێپەڕاندووە

 

پەرواز حوسێن دوای ماوەیەک لە بەرەنگاربوونەوەی نەخۆشییەکەی لە دەرەوەی وڵات، گەڕایەوە هەرێمی کوردستان و ئەمڕۆ سێشەممە 3-12-2024 لە بوولتەنی کاژێر 17:00 کە شەهیان تەحسین پێشکێشی دەکات میوان بوو؛ ئەو گوتی: شێرپەنجەکەی لە کۆتایی ریخۆڵەی دروستبووە و چارەسەرەکانیش سەرکەوتووبوون.

 

پەرواز حوسێن دەڵێت، لە دەرەوەی وڵات قۆناخێکی سەختی تێپەڕاندووە و دوور بووە لە خزم، کەسوکار و منداڵەکانی، کەمێک باسی نەخۆشییەکەشی دەکات بەوەی کە لە ڤیدیۆیەکدا باسی سەرەتا تاوەکو کۆتایی نەخۆشییەکەی دەکات و لە چەند رۆژێکی دیکەش وەکو دۆکیۆمێنتاری بڵاویدەکاتەوە.

 

پەرواز دەشڵێت: ''بەهۆی دایک و باوکمەوە نەمدەویست هەواڵی تووشبوونم بە شێرپەنجە بڵاوبکەمەوە، چونکە ئەوان نەخۆشن، بەڵام هەندێک کەس راپۆرتە پزیشکییەکەمیان بینیبوو و هەواڵەکە دزەی پێکرا''.

 

لە کۆتاییدا روونی دەکاتەوە، لە ئەڵمانیا کۆتا پشکنینی دەرچووە کە پاکە و تەنیا پزیشکەکان گوتویانە، دەبێت ماوەی پێنج ساڵ دەنکۆڵە بخوات و 70٪ـی شێرپەنجەکەی تێپەڕاندووە.

وردەکاریی زیاتر لەسەر ئەو جۆرە شێرپەنجەیە بزانە