نوێنەرێکی خۆبەخشانی تەندروستی: 12 ساڵە بە خۆڕایی خزمەت دەکەین و هیچمان بۆ نەکراوە

 

ئەمڕۆ سێشەممە 3-12-2024 جەوهەر عەلی، نوێنەری بەشێک لە کارمەندە خۆبەخشەکانی کەرتی تەندروستی لە بەرنامەی رۆژی هیوا جەمال دا گوتی، دوای ساڵی 2012 کاتێک دامەزراندن وەستا، خۆبەخشان دەستیان کردووە بە دەوام  و بەشێکیان 12 ساڵە هەر بە خۆبەخشی ماونەتەوە.

 

جەوهەر عەلی دەڵێت، جگە لەو هەموو ساڵە خزمەتە، هیچ گوێیان لێناگیرێت و کێشەکانیان هەر بەردەوامن.

 

بە گوتەی ئەو نوێنەرەی خۆبەخشان، 11 هەزار خۆبەخشی تەندروستی هەن و هیچ بڕە پارەیەکیان بۆ خەرخ نەکراوە و خەرجیی هاتووچۆ و خۆراکیشیان لەسەر خۆیانە.