توێژینەوەیەک: دەرمانەکانی کێشدابەزاندن جێگەی رێژیمی خۆراکی تەندروست ناگرنەوە

 

توێژینەوەکە ئاماژە بەوەدەکات، ئەو کەسانەی کە دەرمانی کێشدابەزاندن بەکاردەهێنن ئەگەر خۆراکی تەندروست نەخۆن، تووشی لەدەستدانی ماسوولکەکان، هەستکردن بە ماندوێتی، بەدخۆراکی و چەند کێشەیەکی دیکەی تەندروستی دەبن.

 

د. جەیمی ئەلمۆندۆز، سەرپەرشیاری توێژینەوەکە دەڵێت: "کێشدابەزاندن بە رێژیمێکی هاوسەنگ و تەندروست گرنگترە لە کێشدابەزاندن بە دەرمان، ئەگەری کەسێکیش دەرمانی کێشدابەزاندن بەکاربهێنێت دەبێت ئاگاداری خۆراکی رۆژانەی بێت''. 

 

سەرپەرشتیاری توێژینەوەکە چەند هەنگاوێک دەخاتەڕوو بۆ کەمکردنەوەی مەترسیی کاریگەرییە لاوەکییەکانی بەکارهێنانی دەرمانی کێشدابەزاندن، وەکو؛

 

- دوورکەوتنەوە لە خواردنی سورکراوە و چەوری زۆر

 

- سنووردارکردنی خواردنەوە گازییەکان، کحول و خۆراکە پڕ بەهاراتەکان

 

- کەمکردنەوەی بڕی خۆراک لە ژەمەکان

 

- خۆپاراستن لە تووشبوون بە بەدخۆراک