توێژینەوەیەک: ئەگەری تووشبوون بە جەڵتەی دڵ لە رۆژانی ساردا زیاترە

 

توێژینەوەکە ئاماژە بەوەدەکات، هۆکاری زیادبوونی ئەگەری تووشبوون بە نەخۆشییەکانی دڵ و گیرانی خوێنبەرەکان لەبەر ئەوەیە کە خوێنبەرەکان وەڵامی پلەی گەرمی نزم دەدەنەوە بە تەسکبوونەوە، ئەمەش پەستانی خوێن زیاد دەکات، سووڕی خوێن کەمدەکاتەوە و فشار دەخاتە سەر دڵ.

 

دکتۆر خورام ناسر، پزیشکی پسپۆڕی نەخۆشییەکانی دڵ دەڵێت، ''ئەو کەسانەی کە نەخۆشییەکانی دڵ و خوێنبەرەکانیان هەیە رەنگە بەهۆی کەشوهەوای ساردەوە کاریگەری نەرێنی زیاتریان هەبێت، لەوانە بەرزبوونەوەی پەستانی خوێن و گیرانی خوێنبەرەکان''.

 

رێکخراوی تەندروستیی جیهانی WHO، شێوازی ژیانی تەندروست بۆ رێگری لە نەخۆشییەکانی دڵ و لوولەکانی خوێن پێشنیازدەکات وەکو:

 

- وەرزش و جووڵە

- خۆراکی تەندروست

- خەوی رێک 

- دووربوون لە جگەرە، نێرگەلە و کحول

- سەردانکردنی پزیشک و ئەنجامدانی پشکنینەکان