لە ئەمریکا نەخۆشیی سوورێژە بە چڕی بڵاوبووەتەوە

 

تەندروستیی ویلایەتی تێکساس ئاشکرای دەکات، ئێستا 226 تووشبووی سوورێژە تۆمارکراون کە زۆرترینیان لە کۆتاییەکانی مانگی کانوونی دووەمی ئەمساڵەوە تۆمارکراون.

 

بەگوێرەی WHO و CDC، هۆکاری سەرەکیی زیادبوونی ژمارەی تووشبووان، بۆ پشگوێخستنی کوتان دەگەڕێننەوە. 

 

تامی کامپ، پسپۆڕێکی نەخۆشییەکانی منداڵان لە ویلایەتی تێکساس دەڵێت: منداڵانی خوار 5 ساڵان زۆرترین تووشبووی ڤایرۆسەکەن و گرووپی مەترسدارن بپۆ لێکەوتەکانی.

 

ئەگەر دایک و باوکێک ڤاکسینی سوورێژە بۆ منداڵەکەیان نەکەن، چ لێکەوتەیەکی دەبێت؟ د. گەشبین کاوە لە چاوپێکەوتنێکیدا  بۆ رووداو گوتی، ''سوورێژە نەخۆشییەکی قورسە و نیشانەکان رەنگە 7 بۆ 10 رۆژ بخایەنێت و دەکرێت منداڵەکە تووشی هەوکردنی تووندی سییەکان، گوێ و پەردەی مێشک بن، هەر بۆیە رەنگە بەهۆیانەوە گیانلەدەستبدات''.