تەرمی هونەرمەند بەیتۆجان لە سوێد بەخاکسپێردرا

 

 

رۆژی پێنجشەممە 14-09-2023 سەلام کوردە، هاوڕێی هونەرمەند بەیتۆجان بە تۆڕی میدیایی رووداوی گوت، "بە ئامادەبوونی کوردانی دیاسپۆرای سوێد هونەرمەند و کەسایەتییە سیاسییەکانی هەر چوار پارچەی کوردستان ئەمڕۆ کاژێر 10:00ی بەیانی تەرمی هونەرمەندی نیشتمانپەروەر بەیتۆجان لە ئارامگەی ستراندی تیرەسۆ لە ستۆکهۆڵم بەخاکسپێردرا و ماڵئاوایی لێکردین."

 

بە گوتەی سەلام کوردە، هونەرمەند بەیتۆجان کە قسەیان لەگەڵ کردووە وەسێتی کردووە ئەگەر باش بوو بیبەنەوە کوردستان و ئەگەر مردیش لەوێ بەخاکی بسپێرن، بەڵام لەم دواییانەدا کە تەندروستیی باش نەبوو بە ماڵبات و منداڵەکانی گوتبوو لە نزیکی خۆیان بە خاک بسپێرن. بڕیارە رۆژی یەکشەممەش 17ی ئەم مانگە لە نۆشبۆری ستۆکهۆڵم پرسەی بۆ دابنێن.