شوان قەرەداخی: دڵنیای خوشکم تەندروستیی باشە
رووداو دیجیتاڵ
شوان قەرەداخی برای دڵنیا قەرەداخی رەتی دەکاتەوە ئەو هونەرمەندە کۆچی دوایی کردبێت.
ئەمڕۆ هەینی شوان قەرەداخی، برای هونەرمەند دڵنیا قەرەداخی بە رووداوی گوت، "سەرلەبەری ئەو هەواڵانەی باس لە کۆچی دوایی دڵنیای خوشکم دەکەن رەت دەکەینەوە. دڵنیا تەندروستیی زۆر باشە."
برای خانمە هونەرمەندەکە ئاماژەی بەوەش کرد، "جێگەی نیگەرانییە کەسانێک لە تۆڕە کۆمەڵایەتییەکان بە بڵاوکردنەوەی هەواڵی لەو جۆرە خەڵک دەخەنە دڵەڕاوکێوە، تەنیا لەبەر ئەوەی لایک و کۆمێنت بۆ پەیجەکانیان کۆبکەنەوە."
شوان قەرەداخی باسی لەوەش کرد، هونەرمەند دڵنیا لە قاهیرەی پایتەختی میسر دەژی.