یەکێک لە سینەما هەرە مەزنەکانی رۆژئاوای ئەفریقا لە سەنیگال دەکرێتەوە
رووداو دیجیتاڵ
یەکێک لە هۆڵە هەرە گەورەکانی سینەما لە رۆژئاوای ئەفریقا، لە داکاری پایتەختی سەنیگال کرایەوە.
سینامەکە یەکێک لە پڕۆژەکانی کۆمپانیای پاسێ-ی فەرەنسییە و حەوت ژووری تەماشەکردن و هەزار و 314 کورسی لەخۆدەگرێت.
کۆمپانیا فەرەنسییەکەی بواری سینەما هەوڵدەدات پێگەی خۆی لە پایتەختی سەنیگال بەهێز بکات.
مستەفا سامب، بەڕێوەبەری سینەماکە دەڵێت: "لەم سینەمایەدا هەموو جۆرە فیلمێک پێشاندەدرێن، چ فیلمی ئەمریکی بن، ئەوروپی، ئەفریقی یان بێگومان سەنیگالی".
یەکەمین هۆڵی سینەما لە سەنیگال کرابێتەوە، لە ساڵی 1902 بوو، ئەو وڵاتە ئەفریقییە مێژوویێکی درێژی لەگەڵ سینەمادا هەیە و بەرهەمی سینەمایی ئەو وڵاتە، یەکێکە لە دیارترینەکانی کیشوەری ئەفریقا.
مستەفا سامب، بەڕێوەبەری سینەمای پاسێ لە داکار دەڵێت، لە سینەما نوێکەیاندا، هەوڵدەدەن رەچاوی خواستی جیاوازی خەڵکی سەنیگال بدەن و فیلمەکانیان رەنگدانەوەی ویستی هەموو بینەرێک بن.
روونیشیکردەوە، هۆکاری ئەوەی سەنیگالیان بۆ کردنەوەی ئەم سینەمایە هەڵبژاردووە، مێژووە درێژەکەی ئەو وڵاتەیە لە بواری سینەمادا.
هیواش دەخوازێت، خەڵکی سەنیگال بە جۆش و خرۆشەوە سەردانی هۆڵەکانیان بکەن بۆ زیندووکردنەوی کولتووری سینەما لە وڵاتەکەیاندا.