بەهای لیرەی سووری و دیناری عێراقی دابەزین

 

حاجی سابیر باواجی، ئەندامی ئەنجوومەنی بازاڕی ئاڵوگۆڕی دراو لە هەولێر، ئەمڕۆ چوارشەممە، بە تۆڕی میدیایی رووداوی گوت: "100 دۆلار بە 152 هەزار و 200 دینار مامەڵەی پێوە دەکرێت".

 

بە گوتەی ئەو ئەندامی ئەنجوومەنی بازاڕی ئاڵوگۆڕی دراو لە هەولێر، یەک ملیۆن لیرەی سووری فەل بە 197 هەزار دینار و بەکارنەهاتووەکەی (لەنێو زەرفدا سفتکراو) بە 300 هەزار دینارە. 100 لیرەی تورکی بە 3 هەزار و 530 دینارە. 100 دۆلاریش بە 8 ملیۆن تمەنە.

 

سەبارەت بە نرخی دراو لە سلێمانی، جەبار گۆران، گوتەبێژی بازاڕی دۆلارەکەی سلێمانی ئەمڕۆ (چوارشەممە، 25-12-2024)، بە تۆڕی میدیایی رووداوی گوت، "ئێستا 100 دۆلار بە 152 هەزار و 250 دینارە؛ هاوکات 100 لیرەی تورکی بە 3 هەزار و 600 دینارە".

 

گوتەبێژی بازاڕی دۆلارەکەی سلێمانی روونیکردەوە، "ئێستا 100 دۆلار بە حەواڵە بەرامبەر حەوت ملیۆن و 900 تمەنە. هاوکات یەک ملیۆن لیرەی سووری بەکارنەهاتووەکەی 298 هەزار دینارە و بەکارهاتووەکەی بە 200 هەزار دینارە."