دابەزینی بەهای لیرەی تورکی ریکۆردێکی دیکە تۆماردەکات

 

رۆژی پێنجشەممە، 24ی تشرینی دووەمی 2022، لە بۆرسەکانی تورکیا لیرەی تورکی ژمارەیەکی پێوانەیی نوێی لە دابەزین تۆمارکرد. بەهای یەک دۆلاری ئەمریکی گەیشتە 18.66 لیرە و دواتر لە 18.63 لیرە جێگیربوو. هەروەها یەک یۆرۆ بە 19.39 لیرە و یەک پاوەندی ئیستەرلینیش بە 19.98 لیرە مامەڵەی پێوەکرا. 

 

ئەم دابەزینە نوێیەی بەهای لیرەی تورکی لە کاتێکدایە کە ئەمڕۆ دامەزراوەی سیاسەتی دراو سەر بە بانکی ناوەندیی تورکیا، رێژەی سووی سەر گواستنەوەی هەفتانەی دراو 50 خاڵ دابەزاند و لە 10.5٪ـەوە بۆ 9٪ کەمی کردەوە. 

 

بانکی ناوەندیی تورکیا دوای حەوت جار لەسەر یەک و لە سەرەتای ئەمساڵەوە رێژەی سوودی بانکی دەستکاری نەکرد و لە 14% بە جێگیری هێشتبوویەوە. 

 

ئابووریناسان ئەم هەوڵەی بانکی ناوەندیی تورکیا بۆ کەمکردنەوەی رێژەی سوودی بانکی بۆ 9٪ بۆ بایەخی بانکەکە دەگەڕێننەوە بۆ خزمەتکردن بە سیاسەتی گەشەپێدانی ئابووریی بۆ کۆتایی ساڵ. جەخت لەوەش دەکەنەوە، بڕیارەکە پەیوەندیی بە کەمکردنەوەی ئاستی هەڵاوسانەکان نەبووە کە تورکیا بەدەستییەوە دەناڵێنێت و ئاستی هەڵاوسانیشی بۆ سەرووی 81.3٪ بەرزبووەتەوە.