زیادبوونی یەدەگی بانکی ناوەندیی تورکیا ژمارەی پێوانەیی تۆمارکرد

 

 

بانکی ناوەندیی تورکیا ئەمڕۆ هەینی 15ـی کانوونی یەکەمی 2023، داتاکانی پەیوەست بە دراو و بانکەکانی بڵاوکردەوە. 

 

بەگوێرەی داتاکان یەدەگی بانکی ناوەندیی تورکیا بەراورد بە هەفتەی رابردوو یەک ملیار و 225 ملیۆن دۆلار زیادیکردووە و گەیشتووەتە 141 ملیار و 374 ملیۆن دۆلار کە بەرزترین ئاستە تائێستا تۆمارکرابێت.

 

بەم پێیە تاوەکو 8ـی کانوونی یەکەم، کۆی گشتی یەدەگی دراوی بیانی بانکی ناوەندیی بە بڕی یەک ملیار و 276 ملیۆن دۆلار زیادیکردووە و گەیشتووەتە 94 ملیار و 509 ملیۆن دۆلار. کۆی گشتی یەدەگی دراوی بیانی لە 1ـی ئەم مانگەدا لە ئاستی 93 ملیار و 233 ملیۆن دۆلار بوو.

 

لەو وادەیەدا، یەدەگی زێڕ 52 ملیۆن دۆلار کەمیکردووە، لە 46 ملیار و 916 ملیۆن دۆلارەوە بۆ 46 ملیار و 864 ملیۆن دۆلار.

 

کۆی یەدەگی بانکی ناوەندیی تورکیا لە هەشتی کانوونی یەکەمدا بەراورد بە هەفتەی پێشوو یەک ملیار و 255 ملیۆن دۆلار زیادیکردووە و لە 140 ملیار و 149 ملیۆن دۆلارەوە گەیشتە 141 ملیار و 374 ملیۆن دۆلار، کە بەرزترین ئاستە لە مێژووی بانکەکەدا.

 

زیادبوونی کۆی یەدەگەکان لە نێوان کۆتایی مانگی ئایار و 8ـی کانوونی یەکەمدا 42 ملیار و 916 ملیۆن دۆلار بووە، کە دەکاتە 43.6%.