10 وڵاتی ئەورووپا ئەو کەسانە دەستگیردەکەن کە ئەپە نایاساییەکان دەفرۆشن

 

 

پۆلیسی ئەورووپی (یۆرۆپۆل) کە پشتیوانیی ئەو وڵاتانە دەکات، ئاشکرایکردووە کە 102 گومانلێکراویان لەو وڵاتانە دەستنیشانکردووە و 11 کەسیان دەستگیرکردووە. 

 

یۆرۆپۆل دەڵێ ئەوانە بەشێوازی نایاسایی 2500 کەناڵی تەلەڤیزیۆنی و دەیان فیلم و درامایان لەسەر ئەپ و ئامێرەکانی ئای پی تیڤی بۆ 22 ملیۆن بەشداربوو بەردەست کردووە و پێیان فرۆشتوون.

 

لە ئۆپەراسیۆنە گەورەکەی پۆلیسی ئەو 10 وڵاتەدا 112 ماڵ پشکندراون و 560 کەسیش دەستنیشانکراون کە ئامێر و کۆدی ئەپیان لە کەسە دەستگیرکراوەکان وەرگرتووە و بە خەڵکیان فرۆشتووەتەوە.