ئۆتۆمبێلێک لە لەندەن خۆی بە پەرژینی نووسینگەی سەرۆکوەزیراندا دەکێشێت

 

 

رۆژی پێنجشەممە، 25ـی ئایاری 2023، پیاوێک بە ئۆتۆمبێلێکی بچووکی سپیەوە خۆی بە پەرژینی شەقامی داونینگدا کێشا لە لەندەن، شەقامەکە ئۆفیسی سەورۆکوەزیرانی بەریتانیا و  چەند دامەزراوەیەکی دیکەی حکومی لێیە و چەند مەترێک لە پەرلەمانی وڵاتەکەوە دوورە.

 

شۆفێرەکە دەستبەجێ دەستگیرکراوە و روون نییە کە لەو ساتەدا ریشی سوناک، سەرۆکوەزیرانی بەریتانیا لەوێ بووە یان نا. 

 

لەدوای رووداوەکە ژمارەیەکی زۆری پۆلیس لە شەقامەکە ئامادەبوون و لە ئەگەری مەترسیی هێرشکردنە سەر دامەزراوە حکومییەکان بۆ ماوەی چەند کاژێرێک لە شوێنەکە مانەوە. 

 

کاژێر 06:20ـی ئێوارە بە کاتی هەولێر و کاژێر 04:20 بە کاتی لەندەن رووداوەکە روویداوە. پۆلیسی لەندەنیش لە راگەیێندراوێکدا رایگەیاند کە شۆفێرەکەیان بە تۆمەتی خێرا لێخوڕین و  تاوانکردن دەستبەسەر کردووە.