ئەپڵ: ئەگەر مۆبایلەکەتان تەڕبوو، مەیخەنە نێو فەردە برنجەوە

 

 

کۆمپانیای ئەپڵ کە بەرهەمی مۆبایلی ئایفۆنی هەیە، نوێترین رێنوێنی بۆ ئەوانە بڵاوکردەوە کە مۆبایلەکانیان تەڕ دەبن. دەڵێت، مۆبایل خستنە نێو برنج سەرناگرێت و ئەگەری هەیە گەردیلەی بچووکی برنجەکە بچێتە نێو مۆبایلەکە و زیانی پێبگەیێنێت.

 

لە پاڵ خستنە نێو برنج، بەکارهێنانی قژ وشککەرەوە و دانانی لەبەر خۆرەتاو دوو رێگەی دیکەی باون بۆ وشککردنەوەی مۆبایل، بەڵام ئەپڵ ئەوانە رەتدەکاتەوە و رێگەچارەکانیشی خستووەتەڕوو:

 

 

- بەخێرایی لەنێو ئاو دەریبهێنی بۆ ئەوەی ئاوی زیاتری تێنەچێت.

-بەخێرایی بیکوژێنەوە.

--بە هێمنی مۆبایلەکەت چەند جارێک بکێشی بە دەستەکەی دیکەتدا بۆ ئەوەی ئاوی زیادە بێتە دەرەوە بەشێوەیەک، شوێنی بارگاویکردنەوەکەی رووی لە خوارەوە بێت.

- بۆ 24 کاژێر لە شوێنێک بەجێی بهێڵە کە هەواگۆڕکێی تێدابێت.

-ئەگەر ئاگادارکردنەوە لەسەر شاشە دەرکەوت، 30 خولەکی دیکە دوای 24 کاژێرەکە وازی لێبێنە، چونکە ئەگەری هەیە پۆرتی بارگاویکردنەوەی مۆبایلەکە هێشتا شێداربێت.

 

 

-بارگاوی مەکەرەوە و هیچ سەرچاوەیەکی دیکەی وزەی پێوە مەکە

- مەیخە نێو سەتڵ و فەردە برنجەوە

-مۆبایل بە هەوای گەرم وشک مەکەرەوە

-ئیسفەنج یاخود لۆکە مەخەرە شوێنی بارگاویکردنەوەی مۆبایلەکەت