وەزارەتی تەندروستیی عێراق: 21 کەسی دیکە تووشی کۆرۆنا بوون و سێ کەس بەو هۆیەوە مردن
وەزارەتی تەندروستیی عێراق رایگەیاند، لە درێژەی پشکنینەکانیاندا 21 تووشبووی دیکەی ڤایرۆسی کۆرۆنایان تۆمار کردووە و سێ کەسی تووشبوویش بەو هۆیەوە گیانیان لەدەستدا.
لە راگەیێندراوەکەی وەزارتی تەندروستیی عێراقدا هاتووە، تووشبووەکان لە شارەکانی عێراق بەم شێوەیە تۆمار کراون:
بەغدا دوو تووشبوو (دووان لە کەرخ و دووان لە رەسافە)
نەجەف چوار تووشبوو
بەسرە چوار تووشبوو
موسەنا دوو تووشبوو
سلێمانی حەوت تووشبوو (دوێنێ لە هەرێمی کوردستان راگەیێندران)
تووشبووە مردووەکانیش بەم شێوەیەن:
بەغدا دوو تووشبوو
بەسرە تووشبوویەک
بەوەش ژمارەی گشتیی تووشبووان تاوەکو ئێستا ئەوەی لە عێراق (بە هەرێمی کوردستانیشەوە) تۆمار کراوە، گەیشتە 214 کەس، 17 تووشبوو بەو هۆیەوە گیانیان لەدەستداوە و 51 تووشبوویش چاک بوونەتەوە.