ئەمڕۆ یانەکانی کوردستان لە خولی عێراق یارییان هەیە

 

 

یانەی هەولێر خاوەن چوار نازناوی خولی عێراق لە یانەی تەڵەبەی بردەوە، ئەمڕۆ یەکشەممە کاژێر ١٤:٤٥ لە یاریگای تاجی بەغدا یانەی هەولێر رووبەڕووی یانەی کارەبا دەبێتەوە، هەر لە شاری بەغدا یانەی سامەرا میوانداری یانەی نەورۆز دەکات.

 

یانەی هەولێر دەیەوێت دووەم سەرکەوتن بەسەرکردایەتی تارق جەرایای راهێنەری تونسی لە وەرزی ئەمساڵی خولی عێراق بنووسێتەوە، دوای ئەوەی لە یاری رابردوویدا بە ئەنجامی ٢-١ لە یانەی تەڵەبەی بردەوە، ئەمڕۆ هەموو هیوایەکی درێس زەردەکان وەرگرتنی سێ خاڵی بەنرخە لە یانەی کارەبا. 

 

لەم یارییەدا بەھۆی وەرگرتنی (٣) کارتی زەرد یاریزانی پیشەگەری گانایی (شافیۆ مۆمۆنی) خاوەن دوو گۆڵی یانەی هەولێر لە یاریی رابردوودا بەبێبەش دەبێت.

 

هەر لە کاژێر 14:45ـی ئەمڕۆ، یانەی زاخۆ دەبێتە میوانی یانەی دیوانییە، یانەی زاخۆ وەرزی ئەمساڵی ئاستێکی بەرزی لە خولەکەدا پێشکێشکردووە، بەڵام لە یاری رابردوویدا بەئەنجامی گۆڵێکی بێوەڵام بەیانەی نەجەف دۆڕا، لەم یارییەدا هیوای درێس سوورەکانی خابوور بڕینی راوکردنی یانەی دیوانییەیە. 

 

یانەی نەورۆز هەموو هیوایەکی سەرکەوتنێکی دیکەیە و قووڵکردنی برینەکانی یانەی سامەرای میوانە نوێیەکەی خولی عێراقە کە لە ئەنجامە خراپەکانینیگەرانە ، نەورۆز لە یاری رابردوویدا بە ٣-٢ گۆڵ لە یانەی قاسمی بردەوە، ئەمڕۆش کاژێر 14:45  لەگەڵ سامەرا یاری دەکات.

 

هەر ئەمڕۆ لە خولی نایابی عێراق ئەم یارییانە بەڕێوەدەچن : 

 

تەڵەبە –نەفتی بەسرە 14:45

نەجەف – نەفت 16:45

جەوییە –ئەمانە بەغدا 19:15