گریزمان وازهێنانی لە یاریی نێودەوڵەتی راگەیاند

 

گریزمان لە تەمەنی 33 ساڵیدا بڕیاریدا چیدی یاریی بۆ هەڵبژاردەی فەرەنسا نەکات و کاتەکەی بۆ یاری لەگەڵ یانەکەی تەرخان بکات.

 

ئەستێرەی فەرەنسی، لە ئینیستاگرامی خۆیدا، نووسیویەتی "بە دڵێکی پڕ لە یادگارییەوە ئەم بەشە جوانەی ژیانم دادەخەم، سوپاس بۆ ئەم سەرکێشییە جوانە و بەم نزیکانە دەتانبینمەوە".

 

هەڵبژاردەی فەرەنساش ماڵئاوایی لە ئەستێرەکەی کرد و بۆی نووسیوە "سوپاس گریزۆ".

 

ئانتوان گریزمان بۆ یانەکانی ریال سۆسیداد، بارسێلۆنا و ئاتلێتیکۆ مەدرید یاری کردووە و لەگەڵ هەڵبژاردەی فەرەنسا مۆندیالی 2018ـی لە رووسیا بەدەستهێناوە و لە مۆندیالی 2022ـش لەگەڵ هەڵبژاردەی کەڵەشێرەکانی فەرەنسا گەیشتە یاریی کۆتایی، بەڵام بە ئەرجەنتین دۆڕان.

 

137 یاری

44 گۆڵ

38 ئەسیست

1 مۆندیال

1 نەیشنزلیگ

1 پێڵاوی زێڕینی یۆرۆ

زۆرترین یاریی لەسەریەک لە مێژووی هەڵبژاردەی نیشتمانیدا

سێیەم گۆڵکاری مێژوویی هەڵبژاردەی فەرەنسایە